ضـيــقــه

[محمد بن دحيلان]

السلام عليكم ورحمة ربي وبركاته

اعتذر عن الانقطاع

متواضعه للتواصل

عسى ربي يكتب لها قبول


سجه وضيقه وانقلابت موازين
ونفسٍ عصة عن ماتحبه وتوبه


يالله يا ناصر هل الحق والدين
ياللي بيدك المغفره والعقوبه


علي تفرجها فرج حرب حطين
يالواحد اللي منك نرجي المثوبه


يارب كم مرة لشهواتي اليين
واللي تبيه النفس كم رحت صوبه


لكن مابه راحت غير بالدين
ورفقت رجالٍ طيبّه ومحسوبه


اخذت من وقتي دروس وبراهين
ماخذتها الا عقب جهد وصعوبه


وعرفت بان الشخص لو فعله ايبين
ماينبغى لقل مافي جيوبه


ضاعت تقاليد الرجال الميامين
اللي طريق الطيب ياما مشوبه


وجتنا تقاليدن لها مذهبن شين
اصحابها لطاب رجل اضحكوبه


يقطعك ياوقت تعز الرديين
ميلك على اهل الطيب تبرق انصوبه


جعلتهم من كل شين قريبين
وكلماتنا لامن حكينا امغلوبه


لكننا عن مايبونه بعيدين
ابعد من حدود الشمال لجنوبه


واجد هل الطالات ماهم قليلين
والطيب واحد بس تتعب دروبه


كمن فقيرن ما ملك له ريالين
يبيع لجل يعشي الضيف ثوبه


وكم غنيين كانزن له ملايين
مجلسه ماعمر الرجال اقلطوبه


لبو الدراهم والفلل والبساتين
لا صار عن فعل الكرام امحجوبه


حفضت لي قولٍ سمعته من اسنين
رعي الكرم كرمه يرفى عيوبه


الطيب ماخصص لحرٍ ولا قين
كم اسودٍ للطيب هبت هبوبه


راعي الوفاء سعوط خشم المجانيين
اليا جلس يصب بالشهد كوبه


الجود ربوه والواقف لها عين
ومن شاش نوبه شاش في كل نوبه


ولابد من يوم تعاد الموازين
ونرجع لمجد اجدادنا والعروبه







.







.

[سمو الذكريات]

الـطــيــب مـاخــصــص لـــحـــرٍ ولا قـــيـــن

كــــــم اســــــودٍ لـلـطــيــب هـــبــــت هــبــوبـــه

راعـي الوفـاء سعـوط خشـم المجانيـيـن

الــيـــا جــلـــس يــصـــب بـالـشــهــد كـــوبـــه

وعليكم السلام ورحمة الله وبركاته
صح لسانك
لاتحرمنا

[شوق البراري]

كمن فقيرن ما ملـك لـه رياليـن

يبيع لجل يعشـي الضيـف ثوبـه

صح الله لسانك

امتعتنا بهذه القصيدة

[قديم الشوق]

محمد بن دحيلان

أهلا ً بك معنا مرة أخرى بعد غياب

وصح لسانك على هذه العذبة الرااائعة

قصيدة أكثر من رااائعة من شاعر مميز ومتمكن

شكرا ً لك من الأعماق

وفي انتظار المزيد من هذا التواصل الجميل

وتقبل فاائق تقديري واحترامي

[سحابة عطر]

اخوي محمد بن دحيلان
اهلاً بعودتك مره اخرى
ونتمنى هالعوده مابعدها انقطاع
ماشاء الله صدق من قال مطول الغيبات جاب الغنايم
وغنايمك زاخره بالجمال
يعطيك العافيه اخوي
ولاهنت
باانتظار جديدك

[إنزوآء انثى]

رآئعه رائعه يآمحمد

لله أنتَ .. نص بحق اعجز من أقتباس الشطر الرآئع

مبدع وأكثر

لاحرمنا الله نبضكَ

كن بخير

[عبدالله النعيمي]

الجود ربوه والواقف لها عين
ومن شاش نوبه شاش في كل نوبه


صح الله لسانك ابدعت واطربت يابن دحيلان ..في شوق عظيم لجديد ابداعاتك.

عبدالله