ســــــــلة اوجــــاعي

[عبدالرحمن العتيبي]

(21)

اذا تذكرت الحنين
اللي بهذيك السنين
مضى وراح
واللي من اسبابه الى هاليوم قلبي
ما استراح
حزن وانين
واهات بين اسوارها قلبي سجين
كله من اسباب الجراح
ماهي من سيوف وخناجر او رماح
من فعل هذيك اليدين

[عبدالرحمن العتيبي]

(22)
بين الجراح
اللي بطعنات السيوف
والا الجنابي والرماح
والا يدينك ياغلاي
وشلون ابي القى دواي
وانا بعد جرحك وقلبي ما استراح
وشلون تتمني شفاي
وانتي تركتي قلبي المجروح
مثل الغصن لاقامت ا تهزه رياح
ثم طاحت اوراقه وطاح

[عبدالرحمن العتيبي]

(23)
اما هنا
ولا هنا
ولا هنا
اختاري وين انتي
تحطي خنجرك
دام الضحيه واحده
( قلبي انا )
في كل ضلع من الضلوع
ياكثر ما ولعت لـ اطلالتك فالقلب الشموع
وهذي نهايتها كذا
جرح وعنا
واحزان
وهموم
ودموع

[عبدالرحمن العتيبي]

(24)

كلمه ومابي غيرها

لو تسمحين

قولي احبك موت

حتى لو بعدها ترحلين

حتى احس ان المشاعر صادقه
وانك بحبي غارقه
واكذب على نفسي واقول
انك تحبيني وغيري ماله بقلبك قبول
لو كان كل السالفه حلم ومزاح وتسليات
عشان اخفف من طعون
غدرك وهذيك العيون

[عبدالرحمن العتيبي]

(25)
رمح من الغدر في كف الزمان رمى ////// به الينا فافقدنا امانينا
قل للزمان الم يبقى بداخله ///// بعض الحنان فلا للموت يرمينا

[عبدالرحمن العتيبي]

(26)
ماعاد في قلبك مكان
للحب والا للحنان
اليوم كل السالفه
مزح وكلام
والا ترى الحب الحقيقي
راح مع ذاك الزمان

[عبدالرحمن العتيبي]

(27)
تدرين
ان الغلا اللي بقلبك كنت اضنه من سنين
طلع سراب
وانا كذا في كل يوم اقول لازم هي تعود
والبعد دايم له حدود
حتى اتى من يمك العلم اليقين
انك معي في ذيك الايام الخوالي تمزحين
ماكن قلبك لي حنون
ولا هويتيني بجنون
السالفه كانت مزاح
لانتي تحبيني ولاهم يحزنون

[عبدالرحمن العتيبي]

(28)

الحكايه
كل حب
الوقت هذا
له نهايه
.................
والحقيقه
والله ان اليأس
في قلبي
بدى يرسم طريقه
....................
والصراحه
فالزمن هذا ترى جــــــــرح المشاعر
صار عادي
يعني صار من الامور اللي مبــــــــــاحه
..........................
والامر
من الكلام اللي مضى
واشد وادهى
لا قتل شخص ابتسامة شخص ثاني في مهدها
وادري اني لاضحكت اليوم لو لحظه قليله
الاكيد اني ابدفع الثمن غالي فالايام
اللي بعدها

[عبدالرحمن العتيبي]

(29)

ياكفوف الغدر وينك
وينك لــــــــــقلبي تعالي
زودي فيني جروحي مثل هذيك الليالي
وعلمي معك القدر خلي يدينه
تستعد لـــــقلبي المجروح وتزود انينه
قلبي اللي كان دايم هو شجاع ولا يبالي
ولو من الدنيا تجرع كاس من قهر وظليمه
يعترف لك بالهزيمه

[عبدالرحمن العتيبي]

(30)


لاتذكرت السنين الجاهليه
يوم كان الحب في وسط القلوب
المخلصه له مقدريه
حب عنتر حب عبله
حب جميل لبثينه
حب قيس وحب ليلى العامريه
ادري ان الحب صار بوقتنا مثل العجايب
يعني استغرب اذا حصلت
شخصين لبعض صاروا حبايب
وشي عادي كل مانسمع خيانه
دام عند اهل الهوى مافيه امانه
ادري الحب الحقيقي انتهى
واقفى زمانه