طفــولة عضـو

[عتوران]

ياليتكم حددتوا عمر معين .. لأني ما أعرف وش حدّ الطفولة ..
اولاً اشكرك اختـــي ( مهندسة الكمبيوتر ) على ( التوريط ) هذا .. واشكراختـــي ( مراجن ) .. اعتـــذر منك لأني ما قريت الاعلان إلا اليــوم .. واسف ..
على العموم انا ما أذكر اشياء كثيره عن ايامي وانا صغير بس بأسرد اي قصه تخطر في بالي لكم ..
وما راح اختصر .. وانتــوا بكيفكم ( احس اني وهقتكم ) بس بطريقتكم..



سحابة عطر .. طيب لا تدفي .. !!
1-اوصفلناطفولتك(بالتفصيل)؟
والله انا اكبراخواني .. ولدت في الريــاض في مستشفى الشميسي .. عشنا سنتين .. وبعدينانتقلنا الى جده ..

مدلع من والدي الين كثر العدد ولله الحمد .. صرت انا العراب .. ( كلوافوق راس أنــا ) بس اخبر اني كنت عاقل .. ابوي ما كان يضرب .. بس واللهنظره وحده منه ..إلا انا متلعثم واقطر عرق وحالتي با البلاء ..

2-هل تتمنىانتعود طفلا؟ولماذا؟
يا ناس انا ما أبغى ارجع طفل الا وهذا عقلي .. يعني ما ارجع طفل بعقليتي ذيك ( ورع ) .. من جد
والله الحين احس اني يوم كنت طفل كنت ( غبــي ) .. اتذكر حادثه هنــا
كنا عايشين في حي من احياء جده القديمه وكان التجار اول لسه ما طلعوا من الاحياءالشعبيه .. المهم كنا حنا في الحاره قلق للطبقه الارستقراطيه هذي .. يعنياحنا بالنسبه لهم همج .. جاني واحد الله يذكره بالخير اذا طفش .. استانس بالدلخ محدثكم .. قالي ترى ( الارستقراطيون ) عندهم عيد ميلادولدهم ( عمــاد ) هذا ولدهم كل يوم كنا ( نكفخ فيه ) مايرجع بيتهم الا وهويبكي .. قالي عيد ميلاده وعازمين كل الحاره روح يا عتوران البس زين و( تكشخ ) وتعال انت واللي يعز عليك من اخوانك الصغار ..

رحت وجبت اخوي الصغير واثنين عيال عمي صغار .. ومحسوبكم .. وصاحبي معانا .. اول ما دخلنا تخيلوا
( اكبر اثنين مكروهين في الحاره .. ولابسين ثوب قصير وطواقي فيها دوايرذهبيه .. اول ما شافتنا ام الولد قالت وبــ صوت عالي ( انتوا اش تبغواهنا مو كفايه عقدتوا الولد وجايين هنا . براء )
ادور صاحبــي يقولي بعدين .. ( انا خليتك تدخل وانحشت ) .. وكان مبسوط .. وعلم عيال الحاره ..وكنت وناسة الحاره ذاك اليوم ..
والله ما يصلح انا ارجع طفل ..!
3-هلكنتطفلامدللا؟
جــــداً .. بس بيني وبينكم والله الدلع ذا .. طلع من عيني .. اتخيلوا الاخ الاكبر لــ 14 نسمه ..
ههههه ( هه قولوا ما شاء الله )
امــي تقول ( انت يوم كنت صغير ما تقعد عندي إلا اخر الليل .. اذا رجعك ابوك خذوك اعمامك .. ) الحين .. انواع الكرش ..
4-هلممرت بصعوبااات خلال فترة طفولتك؟
ابد بس المدرسة كانت بعيده .. وكنت احب اللعب كوره ... بس ما فــ راسي ..
5-هلكنتطفلا هادئا امخجولاام مشاغبا؟
كنت هادئا .. بس اذا نزلت الحارة .. او عيال عمي كانوا عندي ( مع الخيل يا شقراء ) وين ما يوجهني التيار اتجهت ..
6-اذكرلنااااحادثا مر بكخلالطفولتك ولم تنسااااهللان؟
من كثرتهم .. ما قدرت اذكر مواقف .. بس اذكر موقف بس يفشل شوي ( يالله اللي طرالي عاد )

اخبر مره واحد من عيال عمي قالي شيل المنجل .. كان مليان جمر .. ونفس الممسك حار .. وانا ( مسوي خدوم ) شلهتا وانسمع صوت الشوي حق يدي ( تسسسس) انحرقت وانواع ( السيجنل تو )

ما اقولكم ما انفع ارجع ورع ..!
7-اين كنت تقضي معظم وقتك؟
في الشارع ( وين يعني ) وفي الغالب في العصر كوره .. وفي الليل مضاربه .. وقلق في الحاره ..!
8-لعبتك المفضلة؟
كورة قدم .. وكنت في الغالب احتياط او .. ما حد يقولي يعني نظام ( يا اللعب يا اخرب ) ..!
9-هل كنت طفلا اجتماعيا ام انطوائي ولا تحب اللعب والمخاااالطة؟
لا والله اجتماعي .. يعني ابو ( سحنه ) معروفه لو شافني اي استاذ في اي مكان يقولي انت عندنا في المدرسه .. او اي طالب في اي حاره او شارع يعرفني من شكلي .. ( اي بس مو شين او فيه تقطيب .. ولله الحمد لا ) بس ما ادري امتحان كذا حتى الدوريات في الحاره تعرفني من وجهي ..
10-لديك اصحاب من الطفولة؟وهل بقيت معهم ام باعدتكم الاقدار؟
اي والله واحد .. اما الباقي خلاص تحس حتى لو شفته وشافك .. يا إما مشبهين او يسوي ما شافك ( مع ان سحنتي معروفه ) خخخخخ
11-هل كنت تحب افلام الكارتون؟وما هو كارتونك المفضل؟
طبيعي .. ( الرجل الحديدي ) .. و( جونقر ) ..
اذكر لكم موقف من شدت حبي للافلام سويت طريقه .. في فيديو في كده كان اسمه فيديو الوان .. هذا كان يأجر ذيك الايام الشريط بعشره ريال في الاستبدال .. بس لازم ختم فيديو الوان .. فمت انا وواحد من عيال جدي .. نفك الشريط .. ونطلع البكرات ( فيلم الرجل الحديدي .. 10 اجزاء يعني 10 اشرطه ) ونحطها في غطاء شريط مصري امريكي هندي عرضه ما تفرق .. ونرجع ونستبدل .. شهر واجزاء الرجل الحديدي ال 10 كلها عندنا ..
( الله يسامحنا )
12-كيف كااانت علاقتك باخوانك واخواتك؟
اخوي الصغير معقدني .. كان الوالد اذا ابغى اروح اي مكان يقولي خذه معاك والا مافي خروج من البيت ..
عموماً انا من صغري وانا الاخ الاكبر ..
13-ما هو اصعب موقف حدث لك في طفولتك ولم تستطع نسياااانه؟
سيارة الوالد ( كرسيدا بوكس موديل 80 ) انسرقت .. قهر كان فيها تلفزيون ايام وين التلفزيونات تحصلها في سيارة .. كنا نطلع البحر وحنا نتفرج القناه الاولى مشوشه افلام الكرتون
14-هل هناك انسان معين غرت منه في طفولتك..ولماذا؟
واحد من عيال عمي كان يجي من مدينه خارج جده .. كان يجينا معاه فلوس .. وكان يجعص علينا ..
وانا اخليه الين ما تغلق قروشه .. اسوي معاه مشكله اللطشه .. ( النذل بفلوسه يخلي عيال عمي اللي في جده يقلبون علي ) !!
15-صف لنا موقفك اول يوم دخولك للمدرسة؟
خل عنكم بس والله كنت مثال للطالب المثالي .. وعيال الحاره اللي في المدرسه كلهم دشير الا انا .. حتى المدرسين يقولون للوالد .. لا تخلي ولدك يمشي مع ذوللي .. وانا اسمع واروح .. اسوي عليهم لابس نظارة ..

اشكركم على الاستضافه .. واكرر اسفي على التـــأخير في الاستجابه .. لاني والله ما قريت الاعلان الا متأخر ..

( وسامحوني على اللهجه العامية ) ..

وكرر شكري لكي اختي ( مراجن ) على الموضوع ..

( مهندسة الكمبيوتر ) على الدعوه .. عنت لي الكثير ..

( سحابة عطر ) على ( ) !!

اوجه دعوه للأخت ( انثــى الحرير ) . . هذي اللي جادت من عاطفتها لأعضاء المنتدى ..


ارق التحيات ..