@دعوه للمساجله الشعريه خاصه وحصريه لرواد منتديات منابع@

[نجديه]

همومي لعبتي ضاعت ...
وعندي هم وش كبره ؟



كبرت ... وزادت همومي
وأحس ان الزمن ضدي . . .
كبرت ونظرة < الطفلة >
تعيش بداخلي فطرة !!



كبــــرت ... وعشت هالدنيا
كبـــــرت ... ولا هو بيدي !!!
كبرت بشكلي ورسمــــــــي
وقلبي باااااااقي بصغره . . . .
وصار الهم يلعب بي
مثل دميـــــــــــــــــــات في يدي !!!!!! ,,,,
وأسهر ليلي بطوله ويعلن رحلته فجره

[صالح البحيح]

يابري حالي بري عوداً في مبراه

براه الغشيم ولاحد مبراته

[نجديه]

احمممممممممممممم

صاااااااااااالح حرف الهاء ... بس ما عليه نعديها هالمره ؛)



هاتـي يدينـك تحتويهـا يدينـي = وضمي عروق(ن) بالمحبه تساقيك

هاتي وفاك اللي يسـاوي حنينـي = واعطيك قلب(ن) طول الايام شاريك

.

[عناوين الدمـوع]

ك...........


كثير اللي تمناني وطلب ودي ولا جيته............ أزعلهم وأبكيهم واراضي منهو أشقاني


أنا بندم على خل رجاني حب وخليته ............ ولابندم على منهو رجيته حب وخلاني

[صالح البحيح]

حرف الياااااااااااااااااء

يامرحبا بجموع الأصحاب والضيف
من هاجس اللي مع هل الطيب صافي

لاقمت للفرصه وجت لي على الكيف
يفرح بلحظة فرصتي كل وافي


أسرح مع الهاجوس وأسري مع الطيف
وأخشى من النقاد تنقد بقافي


برد الشتاء مايشبه لدفوة الصيف
ومن لايشوف بعين وشلون شافي

ومن لايقدي خطوته ياطي الحيف
إن سار بالملبوس وإن سار حافي

ومن لايثبت نفسه يعارض الزيف
حظٍ يقوم وحظ ينقال هافي

ومن لايعلي منزله يسكن الريف
والوقت مايبقى سهود وعوافي

ماينفعك ياصاح لعب الغطاريف
ترى الزمن دوار خلك سنافي

ماتعجب الطمنه رجال المشاريف
وماحرك العقال هرج الخفافي

ولاينقص النهرين غرف المغاريف
وماتدفن جبال الحرم بالسوافي

ومايظهر الخبلان كثر السواليف
كم واحدٍ بالحكي ذيب الفيافي

وليا عقبته شفت كثر التخاليف
يالله دخيلك حالته يامعافي

ياذا الزمن راحوا رجال المواقيف
أهل الشيم وأهل السيوف الرهافي

عز الله إني من بعض ناسك معيف
أضحك وأخفي ماتخفي الخوافي

ماعاد به ناسٍ تحفظ المعاريف
وشلون ياوقت الحيل والتجافي

ماهمهم ياكود جمع المصاريف
حقارة الأقراب دايم مقافي

هذي حقيقه والحقايق مراديف
مير إعذروني في نهاية مطافي

وليا حصل تقصير من شيٍ يخيف
من هيبة العقال هبت الوقافي

من يرضي أصناف البشر بالتصانيف
يالله إن تجمل وآخر العلم يافي

يالله عفوك قبل كشف المظاريف
ياواحدٍ خيره على الكون ظافي

يالله إن تكافينا شرور الصواديف
وتجعل خواتيم السعاده لحافي

وصلاة ربٍ مابدينه تكاليف
على محمد عد نقش القوافي


منقول لائمانه

[نجديه]

يا صعبها تعريف لحظـات الوجـل

والأصعب انّي رغم هـذا ماشكيـت

من دلة غيابـك تجرعـت الفصـل

ازريت للصّبـاب لا قـول اكتفيـت

يا سيّد وجيه الغياب ؛ إلّي حصـل

انّي شربت بغيبتـك حتـى ظميـت

لوّ يتعب السارح ورى شُرد الهمل

فأنا سرحت لشـاردك ولا ضويـت

أخالف ظنونـي واوسدهـا الأمـل

وانشر لها في ركن صبري مانشيت

وارتـل آمالـي عليهـا مُسفهـل

فيلا حنت ليّ خذت يدها وارتقيـت

ارقى بها اقصى مجـرّات الجهـل

لين انقطع بي شسع حلمي واحتفيت

[سولفي للناس عني]

يابنت بعد الله في حبك بلاني وابتليت ****** حني ترا نفسي من التعذيب وصلت حدها
حاولت ابعد بالبدايه لكن اني ما قويت ****** وجيتك وانا يدي من التعذيب ما اقوى امدها

[نجديه]

أنا اللي دايم من دلاله تقهويت
شربت فنجاله بعز وشهامه
كتبت جزل القاف من حشمة البيت
وما ادس راسي مثل راس النعامه
وما أذكر إني في حياتي تهنيت
حسبي على غدر الزمان وعسامه
ياقو طعن القلب إن كان خاويت
شخصٍ حقود ويختلف لك كلامه
وياشين وقتك كان بالعمر عاديت
شخصٍ يودك وأنت تدعي عدامه

[شـجن]

هذاك وقتك و روح يوم تطرالي***تذكر تقول اطلبك و اقول آمرني

خل الذي صاربك هايم و بك سالي***يكتب لك اشعار لين تقوم تنكرني

مع السلامه يا قصه مالها تالي***الله يريحك في غيري و يريحني

بس اطلبك قبل اروح شل مرسالي***ما ابي عيونك تغرغر يوم تذكرني..

[شـجن]

ياعين شوفي كامل الزين يا عين "
" شوفي حبيبك وافرحي في قدومه