ســــهره شـــاعريه

[شـجن]

شلال فكري حدر مع جارف السيل=يروي فجوجً خلاها جرهديه
وساعي بريدي هفت معه المراسيل= من دون سبه ولاذنب وجنيه
من يومها قمت أحسب لخطوة الميل= وابدا بخطوه مع عزومً قويه
واشيل حملً يهد جبال ويهيل=وابين اللي بقى واللي عليه
وايامي اللي مضت واوفي التفاصيل=والدمعه اللي على الخد النديه
الليل ونجوم السماء والقناديل=خاويتهن في سهرةٍ شاعريه
ماغير اردد من حروفي مواويل=على لحون الديره البابليه
في وحدتي جربت حلو التعاليل=وارتحت من بعض الوجيه الرديه
أبعد عن النمات والقال والقيل=ومشاكلٍ مابين هذي وذيه
مع هجعة العالم اليا عسعس الليل=وصوت النسيم يداعب المزهريه
والشرفه اللي كن خلفه جرى النيل=عندي تساوي روعة البندقيه

[ابو مهند]

روعه --صح لسانك

[شـجن]

المشاركة الأصلية كتبت بواسطة ابو مهند

روعه --صح لسانك

صح بدنك اخوي


يسلمو

[عبدالعزيزحمودالدلح]

صـح ...


ذوووووووقك واحساسك



كلمــــات طيبه : ) ومشاعر وجدانيه رائعه

في وحدتي جربت حلو التعاليـل

وارتحت من بعض الوجيه الرديه

لله درك .. يانجديه ..


مشاعر صادقه جداً


وانا بنتظار جديدك .. ومتابع لأسمك


دام قلـمك في الابداع ..

[شـجن]

المشاركة الأصلية كتبت بواسطة عبدالعزيزحمودالدلح

صـح ...


ذوووووووقك واحساسك



كلمــــات طيبه : ) ومشاعر وجدانيه رائعه

في وحدتي جربت حلو التعاليـل

وارتحت من بعض الوجيه الرديه

لله درك .. يانجديه ..


مشاعر صادقه جداً


وانا بنتظار جديدك .. ومتابع لأسمك


دام قلـمك في الابداع ..

صح بدنك اخوي عبدالعزيز

ويسلمك ربي على حضورك الرائع

واشكرك على تواجدك لاهنت

[صالح البحيح]

بيض الله وجهك بياضاً كلاً يعده

لاهنتي قصيده جميله وذائقه ممتازه الله لايهنك نتظر جديك من الابداع

[عناوين الدمـوع]

صح لسانك نجديه... كلمات غايه في الجمال




نص قليل الكلمات عظيم المعاني



وهكذا يكون الشعر... صح لسان واعتلا شانك

[كبرياء البوح]

قمه الشاعريه,,ما اجمل ان تختلي بنفسك ويكون لكي جوك الخاص في عالمك الخاص دون مقاطعه من أحد..

رحلتي بي الى عالم رائع شكرا لك

كبرياء عاشت هنا(:

[عبدالله بن فهد]

أهنيك بهذه الرائعه التي سطرتيها في المنابع الادبية التي تزهو اليوم بوجود شاعره متمكنه مثل نجديه بصراحه متعه متناهئه. وأهنيك على هذه الردود التي أنهالت على هذه القصيده ( ترى ماهو غيره )
شكراً يانجديه تقبلي مروري وتعليقي .

[شـجن]

المشاركة الأصلية كتبت بواسطة عبدالله بن فهد

أهنيك بهذه الرائعه التي سطرتيها في المنابع الادبية التي تزهو اليوم بوجود شاعره متمكنه مثل نجديه بصراحه متعه متناهئه. وأهنيك على هذه الردود التي أنهالت على هذه القصيده ( ترى ماهو غيره )
شكراً يانجديه تقبلي مروري وتعليقي .

هنآآك بالايمان وطااعة الرحمن

والله يسعدك اخوي عبدالله بن فهد

اشكرك اخوي على كلامك الذوق جعلك تسلم

وما طرحته لايعد شي امام شوامخك العظيمه لاهنت