ذوقك هو الأجمل .. أختر قصيدة وأعرض ما أعجبك بها من أبيات

[نجديه]

يـــا مـصـعـب الايـــام كـلـهــا بــدونــك
وأصعب كثير ان قلت اشوفك على خير
يـالــلــي تـبـعـثـرنـي وأدوّر جــنــونــك
وألقـى لجنونـي فــي غــرورك تفاسـيـر
هـمـسـك وضحـكـاتـك ولـــذة طـعـونـك
اشــيــا تــهّــون مـقــبــلات الـمـعـاذيــر
شـوقـي واحاسيـسـي بـقــوّا يحـتـرونـك
تــرى الليـالـي فـــي غـيـابـك معـاسـيـر
تــدري حبيـبـي خـايـفـه مـــن سـكـونـك
وتـــدري احـبــك ! والمـحـبـه مـقـاديـر
لـبـيــه انــــا كــلـــي ألّــبـــي عـيــونــك
لبـيـه لــو مــا هـــي لعـيـنـك مخـاسـيـر
لـبّــت عـيــون ٍ خـاضـعـات ٍ يـجـونــك
ولـبّـت رمــوش ٍ ذلـلـت لــك مـشـاويـر
جابتـنـي أمـطــار ٍ حـوتـهـا مـزونــك !
يـوم السمـا لجلـك !! غـدى لونهـا غيـر
لـــون ٍ إذا سـمّــوه .. سـمّــوه لـونــك !
وغـيــم ٍ اذا امـطــر تـغـنـت عصـافـيـر
مــعــذورة ٍ يــومــي تـمـنـيـت كــونـــك
كـــون ٍ عـجــزت أوّصـفــه بالتـعـابـيـر
يــا مصعـبـه مــن يــوم إذا مــر دونــك
واصعب كثير ان قلت تصبح على خير

قالوا الغرام بلا حدو = د آة ما أحلى الغرام
قلت التجاهل والصدو = د أما يؤثر والخصام
قالوا يزول ببسمه = أنسيت سحر الابتسام
لوم المحب سحابه = والحقد منظور اللئام
أوما الغرام تتناغم = بين الأحبه وانسجام
قالوا الغرام هو الغرام = فاعذرة إن خرق النظام
هلاً يؤاخذ أبكم = إن فجأة عرف الكلام؟
هلا يلام الورد إن = نشر العبير وهل يضام؟
قلت الحبيب معذب = جهد وسهدً واضطرام
شقم تنامي في الصميم = ولا شفاء ولاسلام
قالوا الشموع إذا بكت = تمحو مكابدة الظلام
قلت الشموع بلا شعو = رأو غرام أوهيام
سيًان إن عاشت وإن = ماتت وإن هلك الأنام
قلت الكلام أما له = رد إذا سمع الكلام
قالوا العيون بنظرة = تكفي لتفهم مايرام
ولهت التقدم ها هنا = لافرق من كان الإمام
أوما تردون السلام = لعابر ألقى السلام
الحب للأنقى وللـأرقى = إذا شئنا احتكام
لاحب يبقى دونما = ركنان شوق واحترام
فالحب يسمو كلما = حل به المرء وقام

[نجديه]

،


مـن عز نومـي صـحـيـت وشفت في عـيني..!
دمـع تـهـادى عـلى جـفـنـي وأنـا غـافـي


ستـرت دمـعي بـكمـي قـبـل يـغـريـنــي ..!
وأخذت هـذا الجـسد من باقـي لحـافـي


وسريت تايـه ورى خـطوات رجـليـني ..!
لا الوجـه وجـهي ولا أوصافي هي أوصـافي


أمـشـي وأقـول لـطـريقي لا توديـنـي ..!
لـعـيون ناس تبي تدري عن الخافـي


أمانة .. خـلها مـابـينك وبـينـي..!
خابرك يـالدرب خوة عمـر وسنـافــي


مـاودي الـنـاس تـدري وش اللـي يـبكـيـنـي ..!
كرامة النـفـس ورث أبـوي وأســـلافــي


أمـشي وأحس الـخناجر في شراييني ..!
والـبرد يمشي وراي ويـنهش أطـرافـي


وحـيـد والـليل بردونه يـغطينـي ..!
تـقول كن الـبلد روح بها الـسافــي


إلين ماأوحيت لي صوت يناديني ..!
صوت أعـرفه مـثل ما أجهل وش خلافي


قمت أتلفت وأنادي ... لا تخليني..!
مـاغيره الـصوت .. هذا صوتـه الدافي


تـعـال .. شف غـيـبتك كيف أثرت فيني..!
تـعـال .. شفني وأنا أغرق عقب مـجدافي


تـعال.. خـذني ورحبي مـن عـناويني ..!
تـعـبت أعدي على جـمرك وأنا حـافـي


تـعـال وإقـطف بـصوتك زهـرة سنيني..!
كل الـمواعـيـد عـقـبك شمـعهـا طافي


تـعال وش فـيك خايـف ؟ أنت ناسيني ؟
قـطـعـت صوتي عـليك وطال ميـقافـي


حتى بـديت أشعر إن الحب معميني ..!
وإن أنت حلم عـثى فـيـني وأنا غـافـي


لـكـن أمـانـه ترى اللي فـيني كافيني ..!
إن رحـت مـنـك كذا مارحت مـتعـافـي


بـصـّدق الحلم وأحذر لا تـصـحـيـني ..!
فـي خـاطري كلمتـين وإن قـلتـهـا كافـي


أمـانـة الله عـليـك إن غـبت عـن عـيـني..!
لا يـكـون قـلبك مـثل قـلب الـزمن جافـي


مـع كـل دمـعـه تـذكـر رعـشـة يـدينـي ..!
ومـع كـل ضـحـكـه تـذكـر قـلبـي الواااااااافـي

لاتعجبي طفل أنا سأقولها = مذ أن جعلتك في الهوى ملاتي
وبنيت برجاً من عظيم محبتي = ورسمت باسمك أجمل اللوحات
ونسجت أنغاماً تسامي عطرها = من طيف حب حاك لي مأساتي
فسموت في علياء حبك بعدما = صغت الطريق بأوسع البسمات
حت تفانى في الهوى صب هوى = وسئمت من عيشي ومن آهاتي
سامرت عقلي قال إنك لست لي = فهربت من عقلي ومن صلواتي
حتى رأيتك بعت مافي داخلي = وأخذت نار عواطفي تقتاتي
وطويت ورقه ذكرياتي فتى = لتنام فوق سوابق نخرات
آليت أن أنسى غراماً كان لي = نبض الحياة وكان منى ذاتي
فغدوت رمزاً في فضاء محبتي = روحاً يرددها نشيد حياتي

[نجديه]

الوجــوه تغــيرت ..
والنـاس تــــــــكـبر
والقـلــوب اللي قبل كـانت حنـونه
صـارت الغـدر وطعــونه !!
السمــا حمـرا .. وطيــور الحـب مـاتت
واشتعــل دوح الوفـا نـار وحــريق ..
ويـن يصـدح عنـدليبـه..؟
كـل جــرح تجــرحه لمسـة طبيبـه !
كـل قـلـب تطعنـه يمنـــى حبيبـــــه !!
والقــريب يشــوف مــوته من قـريبـه !!!
بعـت عمــر..
وقلت اهــاجـر ..
بعـت عمـران المدينـه ..
الشـــوارع
الميــادين الحـزينـه ..
والنهــار اللي بكـت فيـه الفضــيله ..
والظــلام اللي ضحـك به الف فــاجـر..!!
قـلـت اهـاجـر..
واتحمــل كل صيحـات الحنـاجـر ..!
واتحمــل كل طعنـــات الخنـاجـر ..!
لعنبـوها هالمـدينـه ..
فـرقت بين الحبـايب
والنسـايب
والقــرايب ..
علمتنـا كيف نــكره
نبتعـــد
نقســى
علمتنـا كيف نخســر
كـــل طـيب .. وبجـــــداره ..!!
كيــف نفـرح بالخســـــاره ..!!
هيــه يــا صحــــــرا ..
على ســكان اُلاف الســلام ..
عاصــروا بــرد وسمــوم
وواجهــوا عصـف النـايا
لــكن ابــد مـا تخــلوا
عن طبـاع الطيب في حـرب وســلام ..
علمهـم فــوق أي عـلم ..
وحـلمهـم فـوق أي حـلم ..
وجهلنــا فـوق أي جهــــل ..
وغيضنـا ما يفتـح ابواب لســلم !!
يـا صـاحبي ..
ما في الرجـاوي خــير
بعض الرجــاوي هــم
وهالحــين وقـت الغــم ..
لا تقــول لي بالهــون
أصــبر ولا تهتــم ..
لــو للضمــير دمــوع

ســالت دمــوعه دم

[أسيــ بلاقيد ــره]

"إفتح شبابيك الهوى جيتك اليوم

بإحساس من زود الوله عده يطير"


"جيتك مثل طفلن له أيام محروم

عن حضن أمه أبعدته المقادير"


"وجيتك مثل عودن له أيام مهموم

وده يلاقي بأخر الوقت تقديــر"


"وجيتك حضن عاشق وهايم ومغروم

وده يضمك لين تصبح على خير"


"متى تحس إن الهوى شي مقسوم

من قسمة الخالق على خلقه يصير"


"ومتى تحس إني لك أطيح وأقوم

وأتعب على شانك وأقدرك وآغير"


"لي في هواك أحلام وأمال وعلوم

وأحزاب وأصحاب وقصيد وجماهير"


"وهموم وأفكار وهواجيس وحلوم

ودروب وأخطار وعذاب ومشاوير"


"وحب وغلا وإخلاص ومعاند ولوم

وإحساس وإلهام وشعور وتفاكير"


"وصحبة سهر ومقاطعة لذة النوم

وأشواق جياشه وعشق وتعابير"


"في ذمتك مابان لك شي مكتوم

من بعد ماصورت الأوضاع تصوير"


"لاتحسب إنك شي عابر ومعدوم

وتاريخ حبك فاق كل الأساطير"


"في كل شي أتخيلك وأسمعك دوم

وأتأملك في الوقت الأول والآخير"


"من ماضي الأيام لايومك اليوم

وغلاك عندي ماحصل فيه تغيير"


"وأنا لك الله ماأقبل البيع والسوم
ولا أرضى علي ولاعليك المخاسير"


"لاْني الوحيد إللي على بحرك يعوم

وإللي عرف مرساه في رحلة السير"

؛

"لحظه حبيبي قبل يسبقني النوم

بضم صدرك لين تصبح على خير"


:rose:



.

[بروق السحايب]

جمال وتميز يحتار قارئه أيهم الأجمل

كل من مر هنااا

وكل من أسعدنا بتميز ذوقه

وعبق اختياراته

له كل الشكر

وأهدي له كل الود والورد

استمرا فنحن نتابع ونستمتع

[زين]

اخترت قصيدة غدر الخناجر للشاعر حامد زيد

بعض ابيات القصيدة أثرت فيني حيل

اتمنى تعجبكم

عفا الله عن خطا غدر الخناجر والضلوع ا بطال
بسامح واتركك تحت الظلام الحالك لحالك

دخيلك وفر دموعك ترى هدر الدموع اذلال
وترى ما فيه احد يصبر مثل صبري بغربالك

انا عيب علي أنقض كلامي والرجال افعال
واذا قلت اقطع احبالك تراني بقطع حبالك

عشان اكسب هدب عينك تجرعت العذاب اشكال
وليتك ترأف بحالي علشان ارأف بحالك

مسوي في حياتي شي ما يذكر ولا ينقال
حشا حتى العدو وهو العدو ما يعمل اعمالك

تمسيني على الهم وتصبحني على الغربال
تقلطني فناجيلك وتقصر عني دلالك

تحملت التعب لجلك وانا حملي يهد جبال
رحلت من العذاب وما وقفت الا على جالك

علامك كل ما جيك متواضع جيتني تختال؟
معاك اليا متي بصبر وصبري معك يحلالك؟

مثل ما اقبلت لعيونك لزوم تلد ليباقبال
ومثل ما قد حشمتك حس واحشم قلبي اشوى لك

أنا محدن بجابرني أساير معك هالمنوال
ترى لاني تبيع لك ولا ني باصغرعيالك

أنا جيت اعشقك نبض ومشاعر ما اعشقك (تمثال)
أنا جيت اسكنك واحياك وابقى فيك وابقى لك

أنا جيت بظما عاشق تعب يطرد سراب اللال
أنا جيت استفز رضاك من فرقاك والجا لك

أنا ما همت بك عاقل أنا كنت اعشقك بخبال
أنا ما كنت احبك حي أنا كنت اعشقك هالك

تخيل من كثر ما اخاف تلقى للزعل مدخال
أخاف اخطي على طيفك وادوس برجلي ظلالك

تبعتك والعرب تتبع رعود البارق الهمال
وانا شفت المطر يتبعك في حلك وترحالك

كأن اللي خلق حسنك خلقني مع جسدك ظلال
وصرت اقرب جسد يمشي معك باقفاك واقبالك

أبي قلبك يحس انه فقد بمحبته رجال
ملكته من هدب عين وخسرت رضاه باهمالك

صحيح ان الفراق اقسى ولكن الوصال محال
أنا صعبن علي أرضي غرورك واضعف قبالك

بعد ما حققت عيني فبعدك للرقاد امال
أعود للسهر؟ -- يا خوي فال الله ولا فالك!

ببدل نظرتك فيني واجي لك كل يوم بحال
بكون اقرب من ثيابك عليك ولا تهيا لك

بالمك وانثرك واجمعك وارجع وانثرك باهمال
بخونك وازعلك وارضيك وازعل منك وارضى لك

أبرسم بالثرى وجهك وابدفن صورتك برمال
أبشكي للعرب فرقاك واضحك عند عذالك

أبهديك الوصال فراق واهديك الفراق وصال
بسوي مثل ما شوفك تسوي وافعل افعالك

عشان تعرف من فينا الزعول ومن وسيع البال
أبيك تذوق فنجالي وانا بذوق فنجالك

نصيحة واحتفظ فيها قصر معك الزمن أو طال
أبي تسمع كلامي زين وتحطه على بالك

اذا حبك هبال اطفال لك عندي هبال اطفال
ولا وابشر بعد بهبال حب ما هو بهبالك

واذا قصدك تهين اسمي عشان تشمت العذال
ترى لا انته ولا غيرك ولا عشرة من اشكالك

[نجديه]

عشان تعرف من فينا الزعول ومن وسيع البال
أبيك تذوق فنجالي وانا بذوق فنجالك




ماضي وانتهى ذوق مميز


تشكرات يا مليحه

[نجديه]

أشوفَكْ راحِل وْ مـا وِدَّهـا عينـك تِودِّعْنـا
بِخِلتْ بنظرةٍ تجبرْ خواطرنـا قبـلْ لَتـروحْ ؟!
أنا اْدري خايف تبَيِّنْ دموعَـكْ لَـوْ تِطالِعنـا
ونا اْدري قلبكْ الطيبْ مِثـل خَفَّاقِنـا مَذبـوحْ
عَجيبٍ ذا الزمن .. حالفْ يمين ٍمـا يجَمِّعْنـا
حسافهْ .. كِل ما نفرحْ يبَدِّل فرحنـا بجـروحْ
دموع فراقك الأول .. بَعَدْهـا فـي مَدامِعْنـا
و أحسْ دموعْ هالفرقى بدَتْ وَسَط الَحنايا تنوحْ
صَدَرْ حُكم القدَرْ فينا .. بنبقى فـي مُواجِعْنـا
بتبقى دموعنا تذرفْ .. و يبقى جرحِنا مَجروحْ
رضينا بالقِدَرْ حتـى و لُـوْ كِثـرتْ مَوادِعْنـا
كَفانا .. نظرةٍ تجبرْ خواطرنـا قبـلْ لَتـروحْ