ذوقك هو الأجمل .. أختر قصيدة وأعرض ما أعجبك بها من أبيات

[نجديه]

الله يوفقـه السعـد ويـن ماصـار
وعساه من سود الليـال معصومـي

تجري بنا الدنيا علـى كـل مقطـار
والود في خافي خفـاي محشومـي

مر(ن) يقربنا الرجا بعض الاشبـار
وامرار يصبـح بالتمـام معدومـي

لولا الورق والقلم وانـواع الاحبـار
كان احترق قلب(ن)بجرحه زمومـي

انا اشهد ان الشوق نار(ن) على قار
لاصرت من وصل النديم محرومـي

[زين]

قصيدة ليلة الفرقا للرائع - بدر بن عبد المحسن -
أتمنى توصل لقلوبكم باحساسها الراقي


ليله كانت الفرقا
و قالت لي في أمـــــــــــــــــــــــــــان الله
و ليله ذكرها يبقى
على جرحي و لا انساه
و جت تاخذ رسايلها
و خصله من جدايلها
و تديني جوباتي
بقايا عمر بسماتي
و قالت لي في أمـــــــــــــــــــــــــــان الله

في ليله كنها الليله عرفتك بسمتي و فجري
و ليله زي ذي الليله و هبتك في اللأمل عمري
و يا ريت البسمه ما كانت و لا الاحساس
وياريت الدنيا خانتني و كل الناس
و لا خنتي هواي انتي
و لا قلتي في أمـــــــــــــــــــــــــــان الله

لا تردين الرسايل ويش اسوي بالورق
و كل معنا للمحبه ذاب فيه و احترق
لو تركتيني في ليله بسمتك عند الرحيل
دمعه العين الكحيله عذرها الواهي دليل
و ليله كانت الفرقا
و قالت لي في امان الله

[محمد الفرحان]

.

.

للشاعرة / نوف الميموني

لوخيروني بيـن مليـون رجـال=والكل منهم عاشقـن مشترينـي
بقول كلمه دايم الـدوم تنقـال=دوم إتـردد بيـن قلبـي وبينـي
" إن ماخذيت اللي له القلب ميّال=عقبه فلا آخذ كل رجلن يبينـي "
يمكن بعيدن بالمسافـه والأميـال=لكن قريبن بيـن قلبـي وعينـي
أشوف به شيخن على كل الازوال=إليـا لفـى فزولـه الحاضرينـي
متسيّدن في وسط قلبـي ويختـال=يملك حياتي بس وينـه ووينـي؟؟
اللي رفض كل العذارى ولاطـال=إلا خفوقـي بالغـلا والحنينـي
وشلون ابقنع خافقي لاالزمن مال=إن الظـروف القاسيـه ماتلينـي
وشلون ابرضى عقبها بأي رجال=وشلون ابدّل نور عينـي بيدينـي
دامه حفظني فـي عيونـه ولازال=طيفه على طول الليالـي يجينـي
ابيه يذكـر كلمتـن دوم تنقـال=دوم إتـردد بيـن قلبـي وبينـي
" إن ماخذيت اللي له القلب ميّال=عقبه فلا أخذ كل رجلـن يبينـي

[نجديه]

عطني ورق وأعطيك من نبع الاحساس
شعـرً يخلـد بالهجـوس المعـانـي
حروف شعرً تلتهـب ضـو مقبـاس
والا كمـا شهـرة سهيـل اليمـانـي
أبيـك تقـرأ ماكتبـتـه بقـرطـاس
باحساس مرهـف لا أحسـاسً أنانـي
لاني أحس انـك وحيـدً مـن النـاس
وانت الوحيد اللـي سكنـت أبكيانـي
اقرا القصيد وحّلـل الشعـر بقيـاس
وأبيـك تبحـر مـع خيالـه ثوانـي
تقرا مابين سطورها حـرف حسـاس
لك أنـت وحـدك يامسبـب جنانـي
كم لي تغاضيـت وتسامحـت لابـاس
لاباس صـارت كلمـةٍ فـي لسانـي
هالحين خذها واضحه لك من الـراس
مدام تدري وش كثـر كنـت أعانـي
ياما زرعت احـلام باتـت بالافـلاس
يامـا سهرتـك ليـل طيفـه نسانـي
واليوم أحس أن الفكر حيـل منحـاس
الحـل واحـد مالهـا حـل ثـانـي
اما كذا ؟ والا كذا ؟ واطـوي اليـاس
لا ماحتري بالدرب مـن لا أحترانـي
طالت أمشيها والا أدري علـى سـاس
ماكنـك اللـي ضمنـي وأحتـوانـي
لانته معي واضح مثل باقـي النـاس
ولاانته مصارحنـي بسـر المحانـي
ذوقتنـي شهـدك ومنيـت بالـكـاس
الله وكيلـك كـل مـابـك دعـانـي
جيتك شجاعً ممتطـي قـب الافـراس
كل مملكه شعري وصهـوة حصانـي
وأهديتهـا لعيـون نجـلً ونـعـاس
ذيك الرمـوش اللـي غواهـا بلانـي
أسهومها في وسط صدري كالامـواس
سهم العيون اللـي صوابـه رمانـي
قالت أحبـك ؟ قلـت يـادرة المـاس
والله حبـك مـن مكـانـي خـذانـي
وهب الشمال وذعذع الشوق نسنـاس
وفاحـت رياحيـن الغـلا زعفرانـي

[زين]

القصيدة الي أخترتها اليوم
يوميا وآنه رايحة الدوام أسمعها و أرددها

هي قصيدة للشاعر الكويتي حامد زيد

وهذي هي القصيدة كاملة

واعيني اللي كل ماذعـذع مـن الغربـي هبـوب
..........يحلا لهـا لـون الغـروب اللـي يـذوب قبالهـا

ويا ويل حالي كل ما يحـلا لهـا لـون iiالغـروب
..........تطـري لـي الريـم اللعـوب وسالفـة ترحالهـا

وياجرّ قلبـي كـل مـل تطـري الريـم اللعـوب
..........حرّمت أمد ايدي على حاجة وأنا مـا اقـوى لهـا

من سافرت ريم الغلا صدّيت عـن كـل الـدروب
..........ماهـو قصـور بالعـذارى, بـس ذيـك لحالهـا

من فارقتني ما خطف قلبي مـن الحـور محبـوب
............ولا لقيـت الجـادل اللـي تستحـق أحيـا لـهـا

لان القلوب إن ما وفت لأحبابهـا ماهـي قلـوب
..........والعشرة اللـي ماتـرد الـروح مـا نسعـى لهـا

أما الوفاء الل يستر الرجّـال مـن كـل العيـوب
..........والا الجفاء اللي يستر عيوب العـرب ف رجالهـا

مـا أقسـى مــن فــراق أهــل الجـنـوب
..........ويلي على اللي كـل مـا تزعـل تشـد رحالهـا

اللي مذيّرها العتب.. لا شبّـت بصـدري شبـوب
...........عيّيـت أراضيهـا وهـي عيّـت تطـول بالـهـا

كانت معي مثل النصيب يحدّني مـن كـل صـوب
...........كانت دروبـي مـن متاهـات الضلـل.. لظلالهـا

كانت هروبي لا شعـرت إنـي بحاجـة للهـروب
...........كانت سماي اللي ليا ضاقـت علـيّ ألجـا.. لهـا

ليه اتحداني وأنـا فـي كـل الأحـوال مغلـوب ؟
...........ليـه حرمتنـي مـن قهـر عـذالـي وعذالـهـا

ليـه اتجاهلنـي وأنـا مانـي جبـان ولا كـذوب
...........ليه ارخصـت دمعـي وأنـا مـا بكيـت إلا لهـا

ما ترحم اللي له سنه كنّه علـى النـار محطـوب
...........مـا هزهـا دمـع الفقيـد اللـي بكتـه أطلالهـا

ما خافت تهدْم السنين اللي بنتنـا طـوب طـوب
...........ما فكـرت تشفـق علـى حالـي وترحـم حالهـا

قولوا لها لـو مـا تـذوب أنـا بخليهـا تـذوب
...........قولوا لها لو ما عنـت لـي مستعـد اعنـا لهـا

اليا ادمحت لي هالخطا بدمـح لهـا كـل الذنـوب
...........وإن جابت الحسنة معـي تبشـر بعشـر أمثالهـا

افرش لها صدري وطن واجمع من ضلوعي شعوب
..............وارقـى لهـا مكانـة محـد قـدر يرقـى لـهـا

إن كانّي مخطي فأنـا مانـي خلـيّ مـن العيـوب
...........الذنـب يغفـر والبشـر تجـزا بقـدر أعمالهـا

البعد قاسي والفـراق يضيّـق الصـدر الرحـوب
...........وأنــا تعـبـت أدور الحيـلـه وارد احتالـهـا

قولوا لها ترجع ترى ماني على البعـد مغصـوب
...........وإلا تـرى نـذرٍ علـيّ أنـه مهـوب أشوالهـا

أمـا تجنّـب هالهبـال وتتـرك البعـد وتـتـوب
..........والا بتبشـر بالهبـال اللـي مـا هـوب هبالهـا

كافي زعل ترى الظروف مقفّلة مـن كـل صـوب
..........وأنا حملـت مـن الهمـوم أنواعهـا وأشكالهـا

يكفيني أني كل ما هبـت علـى صـدري هبـوب
...........تحـنّ عينـي للجـنـوب وتلتـفـت بلحالـهـا

والمشكلة أني كـل مـا حنّـت عيونـي للجنـوب
...........تطـري لـي الريـم اللعـوب وسالفـة ترحالهـا

وعز الله إني كل ما تطـري لـي الريـم اللعـوب
............حرمت أمد ايدي علـى حاجـة مـا أقـوى لهـا

[نجديه]

وداعية يا اخر ليلة تجمعنا ....
وداعية اعز الناس يودعنا...
ليلة و يا عساك تعود ....
يا عسى الله يصبر الموعود...
انا بعدك عمر مفقود...
دنيا بلا معنى...
لحظة يا بقايا الليل...
لحظة ما بقابي حيل لحظة...
بالهدا يا ليل ما بقى بي حيل...
حسيت اني بنحرم شوفج...
ما اقدر اوادع قطعة من جوفي...
قال الوداع...
لحظة وداع...
و هلت الدمعة و سال...
الكحل فوق السواطر...
كل دمعة من عيونك ...
اشتريها بالف خاطر ...
آآآآه انت غربة و انا بدروبك محطة ...
آآآآه يا حظي ما وصل يمي و خطى ...

__________________

لاتعجبي طفل أنا سأقولها = مذ أن جعلتك في الهوى ملاتي
وبنيت برجاً من عظيم محبتي = ورسمت باسمك أجمل اللوحات
ونسجت أنغاماً تسامي عطرها = من طيف حب حاك لي مأساتي
فسموت في علياء حبك بعدما = صغت الطريق بأوسع البسمات
حت تفانى في الهوى صب هوى = وسئمت من عيشي ومن آهاتي
سامرت عقلي قال إنك لست لي = فهربت من عقلي ومن صلواتي
حتى رأيتك بعت مافي داخلي = وأخذت نار عواطفي تقتاتي
وطويت ورقه ذكرياتي فتى = لتنام فوق سوابق نخرات
آليت أن أنسى غراماً كان لي = نبض الحياة وكان منى ذاتي
فغدوت رمزاً في فضاء محبتي = روحاً يرددها نشيد حياتي

[محمد الفرحان]

.

.

الشيخ محمد البراهيم

ليت الزعـل بـاب وارده=واقفـل ورا جيتـك بابـه
والا احسبك فيـه واصـده=سيد علـى سيـد احبابـه
حدك هنـاك وهنـا حـده=والقلب من طيبـة احبابـه
والوقت مزحه على جـده=ليته ملك بعـدك اعصابـه
سدالغـلا بيجـوا ســده=كل غرس يالغضـي نابـه
ولا جيـت مراقبنـا عـده=عامين ما طلعت اعشابـه
حتى المطر واقـف ضـده=ابطى به الغيم مـا جابـه
وقلب الزعل صاح ما صده=عقبـك ولا بـدل ثيـابـه
لا صرت فيه انت من قده=الله على صـادق عتابـه

[محمد الفرحان]

.

.

نواصل :

يــــا هـلا باللي عـيوني مــا تملـه =مـــن لنــا غـيره بها الدنيـا حـبايـب
منزلـه في خـافـقي مــاحدٍ وصـلــه =جـيت لـــه في لهفتي حـاضر وغـايـب
لـك حـبيبٍ صــار طيفك مـثل ظـلــه =مـثل وصـل العشب مـــع ديم السـحايب
صـب عـشـقك فـوق جـمـر الشوق كله =ليــن يصبح مـــن لهيب الشـوق ذايـب
كــــل دربٍ في شـــراييني تـدلــه =لا تقول انــك عــــن التعـذيـب تايـب
سـيف هـجـرك في عـتابـك لا تسـلـه =يــا بعـد كــل الحضور اظـف اللهـايـب
تـعـقـد حـجـاج الزعـل والا تحــلـه =هـاجـسٍ لو غـاب مــن سـبـع العجايب
يــا حبيبي لـك مــع الغـيبات طـلــه =وان تلاقـينـا تـناســيـنا الســبايــب

[محمد الفرحان]

تـغـلى عـليه وانـت بـالـقـلـب يـاما غـلاك =يـا لـيتك تـحس بـلوعة الـقلـب واشـــواقي
مــن الـعام حـبـك مـبـحرٍ بـي هـنا وهـناك =بـعـد فـرحـتـي يـوم الـلـقا لـوعـة فـراقي
جــريحٍ فـي هـواك وتـايـه فـي سـماك وماك =تـبـغـت الـغلى والـريح بـالـموج صـفاقــي
خـيـالك مـعي وانتـه الى احـتـجت لك مـا القاك =اصـون الـوفا يـا شـوق لـو خـاطري ضــاقي
مـا دامـك عـلى عـهد الـهوى مـد لـي يـمـناك =اعـاهـدك يـالـلـي صـرت لـلـقلب ســراقي
وابـكـتـبك فـي عمـري قـصـيدة وفـا واقـراك =تـعـابير رمـش الـعين وخــدودك اوراقــــي
عـيـونـك الـى واعـدتـنـي مـوعـدي وايـــاك =عـلـيـك انـت تـحديـد الـوعد واتــرك الـباقي
دروبـــك بـوسـط الـقـلـب وجـروحـها ذكـراك =دلـيـلـك علــى عـهـد الـمـحـبه ومـيـثاقي