يفوح صدري فوحة ادلالٍ اعذاب --- رسلانتينٍ فوق جمر الغضى اركيت

[محمد الفرحان]

ألفٍ هلا لاجيت وألفين ترحاب = خطوه عزيزه يوم حظرتك لي جيت
ضي الفرح في ناظري ماله غياب = وحزني تبدد غيمته يوم طليت
وعني همومٍ تنجلي مالها حساب = وقلبي من جروحه تشافى وغنيت
انت الدوا وانت الشفا وانت الاطباب = ياللي ليا شفتك تراني تعافيت
انت الامل والظن ابد فيك ماخاب = علقت امالي فيك واقول ياليت
انا بدونك ليلةٍ بدرها غاب = ظلما وحيشه لو بها يشتعل ليت
بين الحنايا العوج ولعت ملهاب = لاضي سناها في الحشا يوم شبيت
يفوح صدري فوحة ادلالٍ اعذاب = رسلانتينٍ فوق جمر الغضى اركيت
ومشاعري باحت لك بلوم وعتاب = وتفجر احساسي على شانك ابطيت
لا ياشقاي وعلتي بعد الاحباب = اللي بنوا بأقصى الضماير لهم بيت
واقول ماشفته مقادير واسباب = من واحدٍ يرجع له الحي والميت

.

.

شاعرنا

رشيد الكسر

.

.

ومرحبا بك مليون يوم جيت المنابع وصح

لسانك وعلا شانك على هذه العذبة

.

.

قصيده عانقت السحاب بروعتها . .

.

.

دمت بهذا الحضور ولاعدمنا تواجدك.

.

.

تقبل فائق تقديري واحترامي

[سعود المسعد]

رشيد الكسر
صح لسانك يامبدع حد الرضى
لك ودي ومتابعتي

[قديم الشوق]

رشيد الكسر

صح لسانك ياغالي

قصيدة فاخرة من شاعر عذب

شكرا ً لك من الأعماق

وتقبل فائق تقديري

أخوك / قديم الشوق

[محمد الناصر]

نص مليءٌ بالشجن و الروعة
..
قراءته تسر القلب و تسعده
..


صح لسانك ولاهنت