تـصـويـر الـفـراق

[سحر المسا]

متواضعه اتمنى ان تنال الرضى

..

تصـورت الفـراق ولا قويـت أتحمـل الـصـوره =أجـل وشلـون لـو أنـه يجـي وشـلـون حـزاتـه
صحيح إن كلمته سهله وعند النـاس مقـدوره =ولكـن هقوتـي محـدٍ يـحـب وعــاش لحظـاتـه
تصورتـه كـمـا مــوجٍ خـذانـي لغـبّـة بـحـوره =وشهقت الموت ياربي عظيمـه حيـل سكراتـه
تصورته سحابٍ فات وأرضي ترتجي مطـوره =مضى له بالهوى ماضي وشان الوقت صكاته
تصورته كما البستان وغيري يقطـف زهـوره =كثر ماضاع جهدي فيـه وغيـري نـال زهراتـه
تصـورتـه كـمـا أم وهــي تــوه أنـتـهـى دوره =جنينـه مـات مـن يوميـن وزادت فيهـا ونـاتـه
تخيلتـه كـذا مـرّه وبكـت عيـنـي كــذا صــوره =أجـل وشلـون لـو إنـه يجـي وشلـون لحظاتـه

..

..