(* لا للغرور ... ولكن للرحيل .. موعد *)

[سالم السيفي]

السلام عليكم ورحمة الله وبركاته .. حان وقت الرحيل .. وحزم الأمتعة .. فكل الحب لمن قرأ يوما كلمة سطرا وأثنى ..وكل الحب لمن أستقبلني بالحب .. مع الف تحية ..

سلهمت عينك غرور وما رضيت=توقف اللحظة بشطٍ في فلاك
من هوْ أنتي لا طُعن حرفي بصيت؟!!=إنتي آخر من على الرمضا.. سواك
سرمدية في قرار القحط.. ميْت=كل حرفٍ يشعلك لو هوْ نصاك
عنجهية خافقك ما جات ليت=إييه أكبر .. من غيومٍ في سماك
لو يخون الوقت آمالي وجيت=ما هْي حاجة شاعرٍ يطلب هواك
آنا من أول عرفتك واهتويت=أكتب اللحظة تقاسيمٍ معاك
جيت أمد اليد لكني لقيت=من عيونك رحلةٍ تجرف خطاك
آآآه ياصوت السهر بيْدك يبيت=كنّه الحنظل خلَط قبحك بماك
آآآآآه يابنتٍ لقت شعرٍ وبيت=أخلصت لك يا زمن وأضحت بفاك
ما تعرْف إني أنا السيفي ..صيت=لو بَرَق ثغره.. يبدد لك مساك
إنتي يكفي لو مشى ظلي.. بليت=في خيالك كان يرقى بمستواك
إنتي يكفي لو أنا النهر وعطيت=قطرةٍ من ماء شطي .. واعتلاك..
كان صرتي الزرع .. ما قلتي إنكويت=من همومك حرق ..في يوم الهلاك
كان صرتي لؤلؤه فـــبحرٍ عطيت=كل رمله في وسط صدره .. ارتضاك
مجحفة ياسيدة وقتك .. نسيت=إنك أجمل هالمخاليق بوفاك
قلت أرحل رافعٍ راسي .. عطيت=للجحود الأرض أبوابٍ تباك
وأقسم إني ما بغيت ولا رضيت=ذل يأخذ صاحبه لأشعث فلاك

سالم