تعمّـــــاد الخطا !

[عبدالله الدوسري]

من تعمّاد الخطا لا شك ما نيب معصوم= الخطا لابد ما يسحب معه كمّ خطا
الأوله يوم ان قسمت القلب لك عشرة قسوم= و خذت عينٍ لك لحاف و خذت عينٍ لك غطا
و استقريت بحياتي يقظتي لك و الحلوم= لين حتى ما أتحمّل في غيابك و البطا
لكن الأقدار تجري و القضا سيفه حسوم= لو عطيته ما عطيته ما يعرف أخذ و عطا
آه وا ويلاه و ا عزاه ما شيٍّ يدوم= تختفي كل المعالم لا طريق و لا خطا
بعد ما كنا حبايب للأسف صرنا خصوم= و ابتعدنا عن بعضنا ما يقرّبنا اوسطا
رح عسى دربك سماحه و العذر ماله لزوم= قدرك بيبقى رفيع و ما يحوّل للوطا
في أمان الله و أبشر سرّك بقلبً كتوم= ما بعد فكّر يحاسبك بتعمّاد الخطا