ضحك ؟؟؟ وغباء

[سعد العصيمي]

بسم الله الرحمن الرحيم

السلام عليكم

مشاركه للتواصل معكم ايه الاعزاء

واعذروني على التقصير

اكتبي يابنت ( مايرضي ) غرورك = واذكريني لاعشقتك واحتويني
اسئليني وش بقى لي عند حورك = وأن تناسيتك دخيلك ذكريني
ان عطيتيني ولو نفحة عطورك = اشهد أن اللي خلقني مانسيني
من عرفتك مانويت اجرح شعورك =وانتي تعرفين وش بينك وبيني
بس ها المره نويت اقلع جذورك =عفت من درب الهوى والعاشقيني
دام هذا الحب ياحسرة زهورك =وش جنيتي من غرابيل السنيني
انتي من الطيش محدٍ شاف نورك =تحلمين وتفشلين وتضحكيني
والله أني كنت هايم في بحورك =وكنت اعن لشوفتك قلبي وعيني
كم جرحتيني وكم اعشق ظهورك = وان جرحتك بس مره سامحيني
الغلااا ماهوب تحت امرك وشورك =تعشقين وترحلين وترجعيني
عفتك وعفت الطريق اللي يزورك =دربك اخضر وارحلي لاتسأليني
ما انحنى راسي على ظلمك وجورك =ماحسبت حساب قلبك لو يبيني
ايه يامتكبره مجمل حضورك = بس تفكيرك مغفل وافهميني
تحسبين انك تفوقتي بدورك =وانتي اصلاً من غبائك تجهليني

كل عام وانتم بخير

اخوكم