الشوق لوعة وانتظار ٍ وحرمان

[ناصر الشعلان]

تحياتي للجميع وعذر ٍ على قلة الدخول هذه الايام وحتى نهاية هذا الشهر الكريم
هذه المشاركة الثانية لعلها تجد بعض القبول من نخبه من المتميزين والمتميزات في مجال الشعر وهذا يسعدني ويشرفني

يمكن يضيع الشوق في داخل أنسان = ويمكن يضيع أنسان من كثرة الشوق
الشوق لوعة / وإنتظار ٍ /وحرمان= وآهات ليل /ودمع / وإحساس مخنوق
تلعب به الدنيا على كف الأحزان= والنوم بعيونه من الهم مسروق
وكم خافق ٍمن حرقة الشوق ضميان = ما كّن له / حس ٍ / ونبضات / واعروق
ما عاد له في عالم الحب سلوان= وما ضنتي من عقب محبوبة إيروق
وكم من عيون ٍ .. بالهوى شانها شان = يسوقها ليل السهر والألم ســوق
تسابقت عبراتها … فوق الأوجان = دمع ٍ حَداه الحزن من محجر الموق
الناس تتعبها العواطف والأشجان = وما كل عاشق بالهوى : صــار معشوق
أحدٍ شكى همه على : فلان ,, وفلان = وأحدٍ يعاني مــا درى فيه مــخلوق
ياصاحبي : كانك على الوصل شفقان= فاعرف ترى قدرك على الراس من فوق
اشتاق لك شوق الهبايب للأغصان= واحن لك حنة خلوج ٍ من النوق
جيتك وقلبي للشقاء صارميدان = وثوب الصبر من خطوة الياس مشقوق
هذى حياة الناس رابح وخسران = ولا غاب برق ٍ بالسماء : لاحت ابروق

مع حبي وتقديري للجميع
ناصر الشعلان