عليك الله يازوله..

[محمد جمعان]

عليك الله يازوله كما قالوا هل السودان=
ودخيل الله من فرقاك شبّت باللظى عمري=
وش اللي باح لك دمّي وانا ماجيت بالميدان=
وش اللي حلل المسلم بلا ذنب ولا وزري=
زمان اول تحول بك وقلبي غيّر العنوان=
انا والله باسبابك عجز هالصبر عن صبري=
ذبحني منك سهم الحب توسط داخل الضلعان=
وعيونك آه ياعيونك سببها دمعتي تجري=
ملكتي الحسن من ساسه وفيك من الحلا ألوان=
ومن شافك يبات الليل يصلي لاهب الجمرِ=
ورا الشيله تدارين الحلا والزين نوره بان=
وغيم الصيف مايحجب شعاع الشمس بالظهرِ=
ويكفي نقشة الحنا بكفك رسمة الفنان=
ويكفي لون مكياجك من الكحله الى العطرِ=
وضحكه تشرح الخاطر كما مقطوعة الألحان=
تسلل داخل احساسي وفيني تسكن وتسري=
وبسمه من شفاهك نور يشرق باين الضيان=
خذت قلبي خذت عقلي خذت روحي خذت فكري=