يا طيــــر

[هواجيس سارة]

اخواني/اخواتي

اقدم لكم قصيدتي المتواضعه

اتمنى تحوز على رضاكم

بعنوان

ياطيــــــر

ياطير ياللّي مرسلك ناعم القد= لامن وصلت الخلْ سلّم وقله
قله ترى الاشواق بالقلب تشتد= ودونه غدت دنياي دنيا ممله
وقله ترى حالي من الحال منسد= من زود ما بالقلب طعنات جله
وقله ترى بيتك على حطت اليد= إمسيّس ٍ بالقلب محد استحله
وقله ترى دمعي حرق وجنة الخد= واللي يهلّ القلب محد ٍ فطن له
وقله قضيت الوقت بلشانَ بالعد= أونست من فرقاه مليون عله
وإن خاطري مكسور والحيل منهد= ومن بعد ذاك العز شفت المذله
واكد له إن القلب لا حب ماصد= ماهو لعب جهال يوم ويفله
وياطير انا راجيه وإن كان لي قد= قدري اشوف الخل يرجع لخله

اختكم
هواجيس سارة