## صغيرة سن وأغواها الدلال ودم الأعرابي ##

[كبرياء]

فــــــــــــــــــــالكم طيب//

تواصل جديد أتمنى أن يرتقي لذائقتكم ......

كفاني منك مالج بخفوقـي وارتكـى باأقصـاه=وش اللي في جيوبك مابدالي يـااول أحبابـي
تفضل حت ماباقي من غصـون الغـلا واذراه=ماعاد يهمني فالكـون غيـر الستـر بثيابـي
تفضل وأشعم النار بخفوقي واحرقه واصـلاه=وتدفى فوق جاله وان قضيت أحثابـه ترابـي
تفضل دك مرحان الضلوع وهالقعـود أشعـاه=خلاص من الحسايف لو تبيّد عـوج الأرقابـي
خلاص من القطين اللي نشف عده وشح بماه=خلاص من المحـل ودهـوره أبشـد بركابـي
تفضل روح مرواح الصبي مقيط هو ورشـاه=ماوالله ترتعش لاأقفيت عني خرس الأهدابـي
وانا برحل على كف الزمن وامشي على مشهاه=وادور لي مكانٍ لـو كرهتـه بـس يرضابـي
ولكن.. لحظه اعطيك النهايه واعتبرها وصـاه=وانا أصغر منك بس العقل ماينقاس بحسابـي
ترى كل القصيد اللي كتبت وقلت فيك ...أقراه=يميـن الله ماخطيتـه بحضـرتـك فكتـابـي
أغني به على ماقالـوا (يغنـي علـى ليـلاه)=صغيرة سن واغواهـا الـدلال ودم الأعرابـي
تضم الجـرح وتمـوت بكرامـه ماتقـول الآه=لو أن أكبر مصايبها رحيلـك يـاأول أحبابـي

وسلامتكم