جروح وأصداء

[حمد فرحان]

قصيده جديده وأول مشاركه لي في منابع الأدبية

.

.

أصداء جرح الأمس موجوده اليوم=وهذي القصيده اسمها جروح وأصداء
بابا أبي هذا وأبي حب وعلوم=هذا رضيع استفتح االفم بالباء
يمشي خمس خطوات ويطيح ويقوم=مخلوق عادي من خليات وامعاء
حتى عيونه تدعي النوم للنوم=في نومته يدرس تفاصيل لإغماء
يخثر ويسكر في مراجيح وحلوم=قبل النعاس اشوي بعده وأثناء
هذا طفل من عشقه الكون مرسوم=إحساسه إحساس وأشياءه أشياء
يبني من خيوط العدم عرش للروم=وللجاهليه بيت عبله وجوزاء
في ضحكته دمعه وفي دمعته لوم=يصيح يمه كلما ضاق وأستاء
في الأرض يرسمله مجرات ونجوم=وورود بيضا وصفرا وحمراء
وفي البحر جوارحه صورت عوم=يسبح على موجات ساحل وميناء
في دولته القلب حاكم ومحكوم=والشعب نبض عروق والحب عذراء
الطير أبوجنحان لاطار بيحوم=جاب المها واهدا مربيه إهداء
لا والذي تسجد له الناس وتصوم=آمر نبيه ليل معراج وإسراء
إبليس ابو اللذات ملعون مرجوم=وماله غير شيطان وابليس أسماء
محد عن الاخطا منزه ومعصوم=لكن ترى أخطاء تفرق عن أخطاء
مل الحشا جرحه وتعذيب وهموم=ومل الصدر لعبة مثنى وعنقاء
صرخة غريرأصبح من الديد مفطوم=وفي ذمتي صابه من الشوق إعياء
لا يعرف ايجامل ولا يعرف يزوم=هذا خطاه اللي حصل ضد غيداء

.

.

وسلامتكم
حمد فرحان