... تـــأمـــر .... و ... تـنــهــى []

[عادل السلطان]

/

\

السلام عليكم جميعا ً

متواضعه قديمه للأحبه والأشقاء في منابع الخير والطيب ...أتمنى أن تنال بعض الرضا

قريت في كـفّ القصايـد شعـورك=حتى ضحكت دنيا حبيبـك وشاعـرك
يسعد مساك وصبّح النـور .. نـورك=قبل القصيد ايْقال من شـان خاطـرك
يالغايب اللي غبت بـأول حضـورك=لاغبت عني وسـط الاعمـاق .....أدوووّرك
في خافقي شيّـدت عالـي قصـورك=تأمـر وتنهـى والاوامـر أوامـرك
أشتاقلك وأضماك . وأشرب طهـورك=وأحنّ لك ..وأرحل لقلبـك .. وأسامـرك
أبعدت عني وأشتكى القلـب جـورك=الله يـرد خطـاك لعيـون ذاكــرك
وش ذنبي ؟ ليه ابعدت عنّي جذورك ؟=وانا الذي مايوم فكرت .. أهاجرك !!!
لعبـت فينـي وأتقـن العشـق دورك=أنت البطل وأنـا ضحيـة خناجـرك
كنت أستشيرك وأحسب الشور شورك=ماكنت أفكر فـي كفنْـك ومقابـرك!!
مات الامل من يوم ماشفت بـورك ؟=وكسـر المحبـه ماتفيـده جبـايـرك
كنت أرتجي لو يوم طيفـي يـزورك=وتشوف سهم البعد في قلـب طايـرك
أنا الجريح اللي غرق فـي بحـورك=شفت الهلاك وصحت باسمك واْناظرك
بعدك هلاك وداعـي البيـن حـورك=المووت شفته منتصب فـي نواظـرك
تعال وأسعف خافـق ً مـلّ جـورك=دام الجروح..اليوم تشكـي خناجـرك

/

\