اول مشاركه لي معكم واتشرف بوجودي معكم
واشكر الاخ محمد الفرحان للدعوه الكريمه
.................................................. .........................
صاحبي وان ضاق صدرك تراها ماتضيق
خـل نظراتـك لقـدام قدرالمستـطـاع
واخترالاصحاب لاهنت من قبل الطريـق
ومن مشا من دون الاشوار يامشكاي ضاع
خذكلام اللي حمل حمل فوق اللي يطيـق
يوم عيا لايطيعه زمانـه غصـب طـاع
كانت احلامي كبيـره واناعـودي دقيـق
كانت الافكاربالبال له حـرب وصـراع
كنت ادوربا لممرات لـي قلـب شفيـق
بين شد وجذب والروح مع وقتـه نـزاع
كانت الامـال بالعيـن لـه ضووبريـق
كانت الهقوات هقوات زيـزوم وشجـاع
لين وداني زماني علـي الـدرب العتيـق
يومهـا وقتـي جفانـي بلاذنـب وبـاع
بين ميلات الليالـي و طعنـات الرفيـق
شلت حلمي بين الاضلاع واعلنت الوداع
تجربـه والنيـم بالليـل لوطـول يفيـق
دام يقفي ظلمة الليل يالصاحـب شعـاع
أنت غير مسجل في منتديات منابع الأدبية . للتسجيل الرجاء إضغط هنـا
05-04-2006, 02:54 PM
الدرب ... العتيق....
سعيدالعمودي 
العرض الشجري