ذوقك هو الأجمل .. أختر قصيدة وأعرض ما أعجبك بها من أبيات

[نغم]

السلام عليكم
اسعد الله مسائكم بالخير والمسرات
جميله ومعبره
اتمنى ان تعجبك يابروووق
،،،،، ياطويق،،،
ياطويق فاح العبير وفاحت الدله،،
حنا ورى حلمناتركض خطاوينا،،
ياطويق راسك ركزنا العشق في ظله،،
لاتلحق الحال شرهه كل ما جينا،،
وش حيلة الخل لامنه بغى خله،،
مدام هذي مطالبنا وامانينا ،،
ياطويق قلبي ماكل انسان يقبله،،
لو العذارى تسوق المووج للمينا،،
عشت وشربت التعب دقه وجله،،
من شان هقوة عزيز هاقي فينا،،
عشناوكلن ايامه تخيل له*
،، صورة لمستقبل يرقب حراوينا ،،
اثنين نطوي شريط العشق ونهله،،
لو تنشد الشمس نادتنا باسامينا،،
نخاوي الليل ماتطري لنا الذله،،
شواهد الحال في الدنيامسارينا،،
واليا سرى الشوق في الشريان واحتله ،،
عز الله ان البحر ماعاد يروينا،،
واليوم لغز التعب في الوجه من حله،،
مادامه الظلم يرفعنا ويرخينا ،،
ندق هيل التعب بالعزم ونزله،،
من محجر العين لين العين ترثينا ،،
لو نعتذر عذرنا ماهو على المله،،
مستقبل العشق يشره فوق ماضينا ،،
للوقت غدره وتجتاح العمر كله،،
اشوفها فوق شوك الظلم ترمينا،،
يأول الناس في قلبي ولا بالله،،
الا اخر الناس يسكن في الشرايينا،،
عشنا نزف الغلا في القلب ونجله،،
نكبر وتكبر مع الدنيا هقاوينا،،
والوقت ظالم ولا لحظوظنا طله،،
عمري وعمرك غدى ماظن يمديناا ،،،
*