كلمات اغنيه علقت في بالك

[سحر الحرف]

هنا سنكتب كلمات او مقطع من اغنيه نرددها باستمرار او نحب الاستماع لها ولا نمل منها

سابدأ انا باغنيتي التي احب ان استمع اليها ولا امل منها بل ارددها باستمرار ودون ملل

سألني الليل لفريد الاطرش

سألنى الليل بتسهر ليه .. مادام قلبك صبح خالي
سهرت يا ليل أنادي عليه .. و أعيد الذكرى على بالي

رجعت بفكر للماضي و أيام الهوى الحلوة
لقيت قلبي في هواه ماضي يعيد الحب و النجوى
و قصة حب مع حبو
حكيتها مهجتي لقلبو
و بين الماضي و الحاضر .. يا ليل يا ليل
خياله يمر ع الخاطر .. يا ليل يا ليل
أفكر فيه و أعيد لياليه
يا ليل

و انا و طيفه و الهوى
عشنا على نار الجوى
نحلم بماضينا سوى

منين قلبي صبح خالي و انا هايم بأشواقي
يروح العمر يا ليالي و فيه قلوب م الهوى باقي
ده أول حب هناني
و أول حب بكاني
و أول حب بيه موعود .. يا ليل يا ليل
وحب القلب حب خلود .. يا ليل يا ليل
وحب الروح
ما عمره يروح

و إحنا على عهد الهوى
حا نعيش بأرواحنا سوا
نحلم بماضينا سوا
سألنى الليل بتسهر ليه ما دام قلبك صبح خالي
سهرت يا ليل أنادي عليه و أعيد الذكرى على بالي

يا ليل الدهر فرقنا و فاتنا بين دموع و جراح
يا ليل و اسينا فى فراقنا و إبكى معانا عالى راح
ده هو قلبي و انا قلبه
و هو حبي و انا حبه
و هو اللي حياتي فيه .. يا ليل يا ليل
و باسرح فيه و أقولك إيه .. يا ليل يا ليل
قدر مكتوب فى علم الغيب

و إحنا على عهد الهوى
حا نعيش بأرواحنا سوا
نحلم بماضينا سوا

سألني اليل بتسهر ليه .. مادام قلبك صبح خالي
سهرت يا ليل أنادي عليه .. و أعيد الذكرى على بالي