حــــــــارس خطب بنت الوزير

[صاحبة الإمتياز]

قالت له:
أنا ما أبيك تعشقني .. أبيك تحبني بحدود
يعني لوصدف مرة و تفارقنا فلا تبكي و لا تزعل على موتي
لا تستغرب الكلمة الأخيرة
ترى كلنا بنموت
و جعل يومي قبل يومك
جعل يومي قبل يومك
لأني......





حـــــــــارس خطب بنت الوزيــــــر



نسيت الناس يوم إني عرفتك و ما عرفة أنساك
و عشقتك عشق ما ظني أحد بيعشقه مثلي
و تهت وضعت و بكيت كثيــــر و أنا رجــــــــــــــــــــال
و حالي مايسر إنسان و آآآآآه ضاق بي الحال
و أصبحت من العشق مظلوم
ظلمني حيل يا عمري و بأسبابه هجرني النوم
سجني داخل أقفاص الهوى و جنن عقلي الصاحي

لا أرجــــــــــــــــــــوك دخيل الله لا تبكين.... أبد و الله مالك ذنب
ترى هذا مقدر ومكتوب

تـــــــــــــــــذكرين؟!
يوم إني جيت لك طاير أسابق قلبي الفرحان
و قلتلك: غمضي عيونك
و حطيت بيدك وردة بداخلها من الذهب سلسال
و قلتلك : فتحي يا عمري و شوفي داخل الوردة
و فتحتي........
و صرت أنا و إنتي ندور السلسال و ما نلقاه
أثاريني نسيته في محل الورد
.
إيــــــــــه ياعمري عسى هالضحكة ما تفارق شفاتك
أنا كلي فدى ذاتك خلي الحزن لأهل الحزن و إنسي الألم
يا بعد روحي يا أول أنفاسي و أخرها


أنا والله أحبك موت
وأنا شاريك ورب الكون أنا شاريك
و إنتي راضية فيني ولكن علتي فقري
ومع هذا عزمت أمري و جيت أخطبك

قال أبوك:
و ين شغلك و وين تسكن؟
قلت:أنا حارس و مسكني إيجار
أنا و أمي و خواتي الأربعة و الصغير عمار
لا تهتم يا عمي ولا تحتار
عندنا غرفة و سيعة في أخر الدار
و الحال مستور يا عمي وربك الستار

قال: تبيها و إنت حارس؟
تبيها و السكن إيجار؟
ماتعرف منهو أنا؟ يا للعار

وصرت أسمع قيل و قال
وكلام كبير
عن حارس خطب بنت الوزير

صدمني والدك و الله بحقيقة واقعي المؤلم
صدمني لا حشى والله ....أوإنتي إلي صدمتيني
أوإني من صدم نفسه بنفسه يا بعد دنياي
أنا أدري ما بغيتي شي بهالدنيا سوى رجال
وأنا أدري رغم فقري كنت فارس أحلامك
ولكن الفقر مسكين... ولوتدرين أنا مسكين
أنا إلي تلعب الدنيا بشراينه على الحبلين
إنا إلي شاب راسه قبل لا ياصل العشرين

ولو تدرين عن أحوالي أنا في أخر أيامي
أنا في لحظة السكرة بودع دنيا ما تسوى
بفارقها بفارقها
و قبل ارحل مع أنفاسي
صرت أسمع صدى صوت فقدته من قبل شهرين
صوت بنت خطبها حارس و يرفض أبوها وتنتحر بعدين


قالت له:
لأني ما أسوى بدونك
لأني ما أسوى بدونك


صاحبة الامتياز