أهلاَ بكم في ديوانية منابع

[ذكريات]

السهرة متواصلة مع النوبة التونسية لطفي بوشناق وحبوبة والصافي والوافي فيها مدح واذكار وغنا من القديم ..
النوبة في الاصل اندلسية وردوها باصوات ووصلات تونسية..فيها كلام حلو ظريف ...كيف نسمعها وقوقل ما رحم عندي ضيف ....عبد الله ما يقدر ينقذني حضر الطعام وحشمني...فيها كلام على بابا محرز وبابا عبدالله والسيدة منوبية صاحبة الخطوة وللا ام الزين الساحلية...وبلحسن الشادلي ...وكل الصالحين
نعدو فيها رفيسة الروز بالفاكهة والدقلة الحرةونقدموها في التبسي العربي آنية من الفخار ..والبخور يعجعج ويملا الدار
ما نحكيلكم على العرس...والعروسة تجي في الجحفة...ويتلمو الاحباب ويعملو سهرة الوطية.. تلبس فيها العروس القفطان والبدعية ...مطرزة بالحرير..
ونعملو حزب اللطيف فيه مدايح تعمل الكيف
تراثنا في الغناء الشعبي لا يحصى ولا يعد وما يغنيه كيف بوشناق حد
عندنا الحجاية والخرافة كلها طرافة...وعندنا الامثال الشعبية حاضرة في كل ثنية....
تاريخنا مجيد فيه صناديد ..بن خلدون والبوصيري اللي مدح الرسول الاكرم في قصيدة البوصيرية..عزيزة عثمانه والكاهنة البربرية وجرجير ملك الرومان ومدينة سفيطلة ولايتو..فيها الآثار والحنايا..وقصور الرومان ...ومدينة حيدرة مصنفة في التراث العالمي فيها فسيفساء نادر وفريد من نوعه...ونبتة الحلفاء النبيلة نصنعو منها الورقونصدروه