جـــروح حاتميــة ..

[! عـــذبـة !]

بسم الله

صباحكم / مسائكم نقـــاء
متواضعه أضعها بين أيديكم كـ مصافحة أولى

/

مدخـــــل ..
كل مافيني خذا من طبع حاتم
ــــــــــــــــــــــــــــــ حتى ضيقاتي تسمّت حاتمية

أصغر أحزاني بعين الصبح قاتم
ــــــــــــــــــــــــــــــ وأكبر أحزاني يفــوق الأبجدية..

**

حاتمية هـ الجروح اللي بصدري
ــــــــــــــــــــــــــــــــــــــــ قلطّت حزني على جرد الحنايا

بين ضيقة بال من فرقا و غدر ِ
ـــــــــــــــــــــــــــــــــــــــ أجزلت معها و وفتّ بالعطايا

أشبعتّها من بقايا الروح بدري
ـــــــــــــــــــــــــــــــــــــــ و أسهرتني جوع بأفراح البرايا

إحشمتها من غلاي وكبر قدري
ـــــــــــــــــــــــــــــــــــــــــــ ما تهون ضيوفها بنت الطنايا

أدري إنك تعشقين الطيب و أدري
ـــــــــــــــــــــــــــــــــــــــــــ مابه أطيب من صدر كله ضحايا

السؤال اللي غلبني فيك.. مدري ..؟
ــــــــــــــــــــــــــــــــــــــــــ ليه أحبك يا جروح أكبر خطايا..؟

ليه أحبك يا جروح أكبر خطايا ..؟
ليه ..؟

مخــــرج ..
وأحبك ليه أنا مدري ..؟
مدري ..!!
مدري ..!!

بقلم / عـــذبة

( لا اسمح بنقلها دون تذييلها بـ إسمي )
أطيب التحايا ..