جرى البدع المقفى من خيالي

[عبدالله النعيمي]

جرى البدع المقفى من خيالي = على رسمن تعفر كل بالي
وضمنته ثنا لرب البرايا = تعالى خالقي عز الجلالي
وسبحانه تعالى كل حينن= وفرض ونفل وقيام اليالي
اساله حاجتي لاشتد خطبي=وساعات الرخا خوفه قبالي
اشوف الخلق حطوا كل همن = بدنيا حكمها حكم الزوالي
مغانم حكمها حكم المغارم= حظيظ اللي تجنبها ومالي
الى صالح من الدنيا وذخرن = ليوم الحشر في وقت السؤالي
الا منه خذا كتابه يمينن= وخاسر من خذا كتابه شمالي
الا يامن يسير كل مغدق= الا جالن تضمنه المجالي
بعلمه مدركن كل السراير= ومايعلن وما زال ويزالي
وما كان ويكون وسوف كاين= بعلم الغيب من كل احتمالي
حواه الله في علمه واجرى = مقادير الزمان بكل حالي
تغفر الذنب يا ربي الهي=تزيل الهم وما كدر ببالي
الا ياعاصي الرحمن تب له= ما دام العمر له باقن وتالي
ترى المعبود لا يهمل ويمهل=ويملي للبشر هل من مبالي؟
ولا منه اخذ اخذه وبيلن= تذكر عاد ذي العمد الطوالي
وثمود وقوم تبع واهل مدين= وفرعون الذي كذب وعالي
خذاهم تذكرة للي بعدهم= وفي الاسلاف عبرة للتوالي
وختم القيل اصلي ثم اسلم = على طه النبي باخر مقالي
بعد الطير غنت كل حينن = وعدد ما يفلق الصبح الليالي
عبدالله = المهنا النعيمي