,, الهدايا ,,

[محمد الشمراني]

~(

الهدايا
ما بقى منها بقايا
كلها صارت رماد
والرماد اللي بقالي
والله أنه ما برالي
صارت اوراقي سواد
يكفي أني أذكرك
وطول ليلي اسهرك
اسهرك في ذكرياتك
أسهرك وسط أمنياتك
بس جفت أمنياتك
وأنتهت معها حياتي
والهدايا
ما بقى منها بقايا
غير كلمة
عذبت ذاك الرماد
كان فيها بعض صوتك
كلمتك حبك سكوتك
كنها حسك وقلبك
كانت الكلمة {أحبك)

مدخل ~{
قلبي تعذب حيل وأفناه بعدك
وأنا سبب بعدك وجرحي والأهآآت
تبي الصرآحه ؟! آه ياجرح صدك
حطم ظلوعي لين ما خافقي مات
أدري بك أكثر منك وأدري بودك
وادري بحزنك والسهر والمعانات
أدري وصلتي (ياغناتي) لحدك
وأن أشتياقك ما لقى له محطات
تدري وش أصعب من عذابن يهدك
وأصعب من احزان الليالي والأوقات
دمعك ليا منه جرح نور خدك
وأمسيت تخنق عبرة الصوت بسكات
لا تحسب إني يا دفا الروح ضدك
أو تحسب إني سالين عنك لحظات
لا والذي سواك ما هان بعدك
لأنك بقلبي شي أغلى من الذات

ما تسمعين أني أرد ... الهدايا = لأن الهدايا بعضها ... يقتل الروح
ما تعرفين ان الهوى ... له ضحايا = وأن النهايه ما بها ... شك ومزوح
ما عاد باقي ... للمحبه بقايا = لو كان عمرك بالمحبه ... عمر نوح
يوم انكتب بعدك طويت ... الروايا = طويت ... فرحي ما غدا فيه .. مصلوح
شوفي نهاية .. طيبين ... النوايا = اللي ربى بقلوبهم صدق ... ووضوح
صاروا قضيه ... ما لها من قضايا = تبقى على مر الزمن ... ضيم وجروح
ياوقت أنا بسألك ... وش هالسوايا = خليت قلب ... أبسكة الآه مطروح
ضاقت بي الدنيا ... وكل الزوايا = وأمسيت أغالط ... واقع الحب وانوح
تكفين يا .. (دنيا عذابي) .. كفايا = تكفين دمعي صار بالعين ... مفضوح
البرد يذبح خافقي ... يا دفايا = وأفوح من ... ذكرى زمان الغلا فوح
اذكر مكانك ... يوم كنتي معايا = كان الوفاء يبني لنا ... حلم وطموح
واليوم من بعد ... الهوى يا هوايا = قررت اسافر واترك ... القلب واروح
لا الأرض ارضي ... والسما مو سمايا = مليت أدور لي وطن ... يفهم البوح
الذنب ذنبي والخطأ .. هو خطايا = والجرح جرح الوقت ... والوقت مسموح
هذي توالي قصتي ... والحكايا = أبطالها راحوا كما ... روحة الروح
حان الوداع اللي ... يدك الحنايا = حان النصيب ... وما تسطر على اللوح
بس أعذريني يوم ... عفت الهدايا = لأن الهدايا ... هي سبب شخص مذبوح

مخرج )~
صبرت حتى مات فيني خفوقي
الخافق اللي قبل موته يناديك
والله ما أرتاحت في بعدك عروقي
متأثره مثل الذي دووم يرجيك
من غبت عني ما ظهر لي شروقي
شمسك تغيب وطول ليلي أناجيك
يسوقني ليل المعانات سوقي
وينك حبيبي ؟ كان ودي أحاكيك
عقبك حبيبي دنيتي ما تروقي
أصبح بهمي ثم أمسي بطاريك
وأن جبت طاري حبك اللي يفوقي
عن كل معني شفت دمعي يخاويك
الوقت مو وقتي ولا الذوق ذوقي
كني غريب وغآيتي في أرآضيك
أن جيت أضمك كن شوفك يعوقي
وأن جيت ابرحل جابني سيل وآديك
والله لو تدري بصرخات شوقي
تبكي على حالي وترجي خطاويك
(آلموت) حق وقام يدعي خفوقي
الخافق اللي من عذابه يناديك

{~
خذتني منك أهآتي
خذاني دم عبراتي
كفايه يا معاناتي
وش اللي باقين فيني ؟!
سوى جرحي ودمعاتي
وبقايا دم عبراتي
أنا ياروح بسماتي
أذا ضاقت مساحاتي
أضمك داخلي وأذكر
زمان الحب وأوقاتك
سقى الله وقتنا أول
سقى الله أيام عشناها
فرح دنياي ما طول
عجوله حيل دنيانا

قد يجف قلمي هنا
لـ قلوبكم


محمد عبدالله الشمراني