متحف جروح ..!

[ماجد عبد الرحمن]

غريبة لو تحس انك

تعيش بْعاصمة أحزان ..!

تعبت أوجه الكفة على يْميني وإنت يسار=تعبت اعطش وسط نارك وكاس الماي بايديني
تعبت اتغزل بأنثى من اكذوبة أبيك تغار=تعبت أتذكر وْصوفك كثر ما إنت ناسيني
تعبت مْن التعب ذاته وأنا احصل به التكرار=دخيلك بس فهمني متى قررت تعفيني ..؟
تمد بْكفك جْراحي وادور للرضا أعذار=حشى لوّ الغلط مني ؛ ما فكرت ترضيني
أنا لا من بكت عيني بكا من دمعها الكفار= وعينك يا عصيّ الدمع : تضحك لين تبكيني ..!
سهل أتقمص ادوارك واصير بْحائطك مسمار=وازيدك شرخ فوق الشرخ لين الأرض تحويني
وش اللي حدني اصرخ واجابه قسوتك بانكار=ولا مني صرخت " أكرهْك " قال الصوت " حبيني "
جعلت مْن الضلوع اخشاب ؛ وحبك لي شبة نار=ولا فْ بالي بتحرقني بحبٍ ساكن ٍ فيني ..!
أنا جهزت لك قلبي ؛ ما جهزت نرد قمار=لاجل تدخل بلعبة حظ : وترمي النرد وسنيني ..!
سهرت الليل أغني لك بصوتي أغنية " تذكار "=بعد ما كنت أسهر لك على كاظم "وزيديني "
أنا اللي لا تذكرتك طرت في داخلي " عشتار "=وصفها كْثير " جلجامش " كإنه كان يعنيني
رحلْ حبك وخلا بي من التاريخ والآثار =أنا متحف من التجريح ؛ حضارة دمع في عيني
أنا ماني بْعبدٍ لك ؛ ولاني حامل الأسفار=أنا [ ماجد ] ولي عزة ؛ ولا اسمح لك تهينيني ..!

والاغرب ما لها حاكم

ويطلع شعبها فاسد ..!

.. سراب الوهم ..