§¤°~®~°¤§ ×انتمــــائــي × §¤°~®~°¤§

[نوض سدير]

هي التي لاتنطفئ جذوة حنيني لها..

ففي كل مساء تستبيح ذاكرتي لتداهمني بأجمل الذكريات.
.
حينها..اشتم رائحة الخزامى..وتداعبني اجمل النسمات

فرغم البعد إلى أنني اشعر بقربها واشعر بأن المسافات ماهي إلى مسافات هلامية تزيد من قرع طبول حناياي شوقاً لمعانقتها..

:
هي .. من احبها شعراؤها فنفثت أعماقهم بأجمل الأبيات ..فخرا..وزهوا بها..فهي حتما عروس في أعين أهلها...

[poet font="Simplified Arabic,4,black,normal,normal" bkcolor="transparent" bkimage="" border="solid,4,gray" type=0 line=200% align=center use=ex length=0 char="" num="0,black" filter=""]
وان جا الضعيف بارد الكف ومعيل=يمشي على الرجلين ماله ازماله
قليل شوف يشتكي من ردا الحيل=ما له حلال ويستحي من ظلاله
جار لسمحين الوجيه المناويل=.اهل سدير اهل السخا والجزاله
ربع يسلونه بزين التعاليل=.وكل يوسع خاطره بالنزاله
يروح وركابه تهادى من الشيل=من شاف حاله قال يا كثر ماله
رجالهم لو ماله إلا المعاميل=لابد مع ضيفه يسوي جماله
يستاهلون المدح جيل بعد جيل=واللي يماريهم فهو من اهباله
يا كثر ما مدحوا وياما بهم قيل=للضيف راعي سدير خله إلحاله
هشين بشين عدال عن الميل=.سمحين وبضده لراعي الجهاله
اقول شوف العين ما هو دهاويل=ما جيب لي نقل بخط الرساله
وباقي العرب تلقى رجال مشاكيل=.لابد للبارود يبقى حثاله
للشاعر العذب/ ابراهيم بن جعيثن
[/poet]



[poet font="Simplified Arabic,4,black,normal,normal" bkcolor="transparent" bkimage="" border="solid,4,gray" type=0 line=200% align=center use=ex length=0 char="" num="0,black" filter=""]
وان جو مناكيف على السير وعجـال=عقب التعـب يبغـون منـا وقـاره
نقلط لهم ميسورنا مـع رخـا البـال=يـوم ولـد الـلاش غلـش بـداره
في دارنا نطفي كـدا المـر بـزلال=يكود بـرد المـاي يجلـي حـراره
دار بها يعجـز عـن الحـق عيـال=والـلاش فيهـا شيـد اليـوم كـاره
دار لعـل الوسـم عـن جالهـا زال=وصيف ما حقـت عليهـا خطـاره
الحيف مايصبر على الحيف رجـال=من كان في راسه زعانف صطـاره
إن كان ماتنحي المعادي على الجـال=ويشرب حفيف الـدار منـا مـراره
لشاعر الامير الشيخ/تركي بن فوزان بن ماضي
[/poet]



لها وحدها انبض,,

[poet font="Simplified Arabic,5,black,bold,normal" bkcolor="transparent" bkimage="backgrounds/1.gif" border="groove,4,silver" type=2 line=200% align=center use=ex length=0 char="" num="0,black" filter=""]
تزين السوالف من يجي طاري ٍ لسدير= ديار الخزامى والنفل والهوا الهادي

الى جيت ابوصف جوها بعلن التقصير=ولا به كلام يترجم احساسي ومرادي

فلاتقـول باريس ٍ ولندن ولا اغادير= ترى ذي سدير الغالية فرحة اعيادي

احبك محبة شوق ٍ وحشمة وتقدير=احبك ويمّك ساقني الوجد والحادي

من يلومني لمن تسميت"نوض سدير"=مادام ان غلاها ينبض بداخل فوادي

يكفيني اني من ديار ٍ اهلها غير=أهل فزعة ٍ وكلهم ناس ٍ أجوادي

ديار ٍ اهلها ما يجي منـّهم تقصير= وصوت النجر بالبن تسمع له ارْعادي

إلى جيتهم صبح ٍ أوانك تجي بعصير= تشوف التحايا وجهت لك بتردادي

ديار ٍ أهلها للعرب عندهم تقدير= وعود الكرم للضايف يفوح وينادي

أهلها أهل دين وصلاة ٍ واهل تبكير= لهم في الكرم مدات ٍ كبار وشدادي

احب ارضها اللي كلها ذكريات وخير=اهي دنيتي الخضرا وهي غاية مرادي

تعلقت بك والأمر لله والتدبير=وكلي رجا ارفع هامة اهلي واجدادي

أحبك بكل شبر ٍ حوى موطنك ياسدير=أحبك و يشهد لي على حبك ودادي

وانااستغفر الله عد ماسبحه هالطير=عليم الخفا اللي يعلم بحاضر وغادي

نــــــــــــوض ســــــــــــــدير
[/poet]