تنشد عن الحاااااااال ،، هذا هو الحال

[حسين اليامي]

يسأل عن الحال حالي ماهو يخصـه =متى أصبح يهم حالي وآخر أخباري؟!
العام عيني تهـل الدمـع والغصـه =تملى الحناجر وهو ماصار له طاري=
العام عمري، حياتي، كامـل القصـه =هو البطل وامتلك تمثيـل لـدواري
العام طيفه يجينـي داخـل الحصـه =فجأه مواضيع درسي تصبح اشعاري
وأحاول أقول مالموضوع لو نصـه ! =واضيع واصبح مع الطلاب محتاري
مابين همي ، ودرسي تكَمل الرصـه =حتى العذر مالقيته ظاعت اعـذاري
من شان من هو يتل القلب ويحمصه =اصبح معي بالغلى يسـاوي مشـاري
إن اعذلوني هل المعروف قلت أصه =وإن كثروا في الحكي ماكني بـداري
واليوم ناولتـه الخاتـم مـع فصـه =خلاص مليت مـن حـبٍ وتذكـاري
العمر مافات من يوم يجـي نقصـه =الى متى خافقي يلعب به الـذاري؟!
إن زرت ياهاجسي قلب العناء وصه =بعض العرب للأسف ماعز مقـداري
لابد كسـرٍ بقلبـي ينجبـر شصـه =والعين ترقد وياقف دمعـي الجـاري
علمني الوقت كيف الجرح نمتصـه =علمني الوقت حلـم الليـل غـداري
يسال عن الحال حالي ماهو يخصـه!= متى اصبح يهم حالي وآخرأخباري؟!