دام (( الحــــفر )) ماخذك ماخذك مني ..

[فارس الصميدان]

السلام عليكم ورحمة الله وبركاته



كل عام وانتم بخير ومبارك عليكم الشهر



عذرا على الانقطاعه ..
حقيقه هذ آخر نص كتبته .. كتبته ساعة سافرت (( مدامتي )) الرياض متجهه لحفر الباطن حقيقه اكتشفت ان غيابه مؤثر سلبي على حياتي للاسف العزوبيه مرررره صارت :) وها انا انتظر العيد بفارغ الصبر للحاق بها :)


لكم متمنيا ان تنال اعجابكم ..

	تصدقي غبتي ولاغاب عني=فكرك وذكرك وابتسامة شفاياك مدري لاني مفارقك او لأني=اصلا قبل لا افارقك عشت فرقاك يعني احس اني بلياك كني=كني كذا عايش وحيد ٍ بلياك لنك اساس الحب والحب مني=لو غاب زولك ماتناسيت ذكراك حبيبتي مليت كثر التمني=عاد افهميها حاجتي بس لقياك حتى قصيدي من غلاك امتحني=ولا شغلني عنك لا ذا ولا ذاك اقسم برب البيت بعدك طعني=وامسيت اضم وسادتي وآتحراك واقول في نفسي عسى مانسنّي=الشفتين اللي سحرنّي بدنياك واحيان اجر الصوت واقعد اغنّي=((حبيبتي متى اقضي العمر وياك)) انا سبب فرقاك صاير مغني=دايم اجررررر الصوت يوم آترجاك العيد طول واعتقد خاب ظني=الى متى ابنتظر عيدك هناك بقعد اعد يام عمري وامني=خفاقي المبلي بضحكة شفاياك الين اشوفك ياغناتي واهني=وازف عمري لك هدية بلقياك دام ((الحفر)) ماخذك ماخذك مني=حبيبتي ربي يصونك ويرعاك تصدقي غبتي ولاغاب عني=فكرك وذكرك والدلع من ثناياك