رسالتك جتنـي وانـا كنـت مشغـول

[خليف الوهيداني]

رسالتك جتنـي وانـا كنـت مشغـول=وفكري سـرح واللـي طلبتـه نسيتـه
ويومه ذكر لـي قلـت عـزاه يحـول=مـاودي اخلـف ظنـك اللـي هقيتـه
والا انت حبك داخـل القلـب مكفـول=حبـك قصـر ثابـت بقلبـي بنيـتـه
لو ان قدري معـك مخفـي ومجهـول=مقـدر عليـه ليـا طلبـتـه لقيـتـه
واللي يجينـي منـك مرضـي مقبـول=ماجا منك لـو هـو عذابـي رضيتـه
ولا قلت قلبي معـك زايـغ ومهبـول=وصفت قلبي وصف صـدق وعطيتـه
هاك الكـلام اللـي مصـدق ومعقـول=مـن قلـب وأنتـه سوبـه مانويـتـه
لـك الحجـاج بكـل الوقـات مفلـول=حـجـاج قلب(ن)بالمحـبـه كويـتـه
انـا فـدا هـاك الحجاجيـن والـزول=وفـدا جديل(ن)فـوق متنـك طويتـه
يامن معك مامل وقتـي علـى طـول=ولوا ينشـرى وقتـك بمالـي شريتـه
قربك ربيع(ن)يشرح الصـدر وسيـول=وبعدك فقر رجل(ن)وطى الفقـر بيتـه
اقـول شعر(ن)فيـك ماهـو بامنقـول=شعر(ن)ماهـو والله بغيـرك بديـتـه
وقلبي قبل عن كلمت الحـب معـزول=محد(ن)غزاه الا انت وحـدك غزيتـه
لو جيت ابا صف فيك وش فيك ابا اقول=كـل الجمـال وكـل زيـن احتويتـه
لو منتخبنـا جيـت لـه سـدد القـول=وبالكـاس فـاز وبالامـم ذاع صيتـه
ماهو طبيعي حبـك العـذب مكحـول=والقلـب مـن مكحـول حبـك سقيتـه
قلب(ن)معك مسحور يالايـق الطـول=قلب(ن)هـواه رضـاك لـو ماهويتـه
قلب(ن)عنك يعذل ولا هـو بامعـدول=وحاولت اعذلـه عنـك انـا ماقويتـه