مقادير عمل تشوكليت تارت بالصور 2015

[بسكوته]

مقادير عمل تشوكليت تارت بالصور 2015







المقادير:
عشان نعمل 2 تارت بالحجم الكبير زى الصوره
400 جرام دقيق
125 جرام سكر بودره
1 بيضه
250 جرام زبده
معلقه فانيليا
2 معلقه كبيره كاكاو خام
دى مكونات التارت
اما الحشوه بقى هتكون عباره عن:
ربع كيلو زبده صفرا
نصف كيلو لبن حليب
باكو فانيليا
150 جرام شيكولاته
هنحط اللبن مع الزبده فى حله على النار ونضيف عليهم الفانيليا والشيكولاته اول مالزبده تسيح بعد كده هنرفعهم من على النار نحطهم على حمام ماء ساخن لحد الصوص كله مايتجانس مع بعضه
ونركنه على جنب عشان ده هيكون الحشو بتاع التارت الجميل بتاعنا ندخل بقى على طريقه التارت نفسه.
الطريقة:
بضرب الزبده مع السكر البودره على ايدى لحد متبقى هشه وبعد كده بنزل بالبيضه عليهم مع التقليب المستمر ثم الفانيليا والدقيق مع الكاكاو لحد متعمل معايا عجينه متماسكه بعد كده بقسم العجينه على اد الصوانى اللى هعمل فيها التارت وبعدين بفرد العجينه فى الصينيه وبعمل لها اطراف فى جوانب الصينيه سمك حوالى نصف سم وبعدين بخرمها بالشوكه قبل مدخلها الفرن على درجه حراره 180 لمده ربع ساعه بعد متخرج من الفرن بسيبها تبرد وبعدين بصب الشيكولاته اللى جهزناها بحيث انها تملى التارت كله وبعد كده بدخلها الثلاجه عشان تتماسك ممكن على فكره اجملها بشيكولاته مبشوره ممكن كمان احطلها مكسرات زى مبتحبى.