*·~-.¸¸,.-~* حــلــمــ *·~-.¸¸,.-~*

[محمد الفرحان]

.

.

مساء/صباح الشعر
بناء على الحكم الصادر ضدي أقدم لكم
قصيدة:
*·~-.¸¸,.-~* حــلــمــ *·~-.¸¸,.-~*

.

.


ياسحاب الوسم في وقتي الشحوح = ياحلم ابني عليه الامنيات


ياجروح بداخلي عيت تروح = ياشريط العمر واحلى الذكريات


ياطموحي كان لي باقي طموح = ياأجمل ايام(ن) مضت والمقبلات

-
صرتي حلم(ن) كل مايقرب شحوح = وماذبحني غيرك امن المترفات


بين كل الغيد يالوجه الصبوح = امتلكتي ياوله أحلى الصفات


وبين كل الغيد لك عطر(ن) يفوح = والله انك ياحلى سكر نبات


قربي تكفين يكفيني جروح = دام مالي عن هوى مثلك غنات


الهوى ياغاليه ماهو مزوح = الهوى جرح(ن) سيوفه ماتبات


لارحلتي ياسهم حبي الذبوح = ويش يسوون العذارى والبنات !


ويش اسوي بهالجسد من دون روح ؟ = والله انه من ممات(ن) في ممات


يالله اني في حجاك من الجروح = واطلبك يالله ياربي الثبات


ماورى هالبوح يالمجمول بوح = ضاع عمري في متاهات الحياة

.

.

وسلامة قلوبكم

..