وفاء الانذال .. كـ مصافحه اولى

[محمد الشيباني]

بغيـت أقـول لـك يـا شـيـن كلـمـه وأستـمـع لــي زيــن=تـــرا مـاعــاد لـــك فـــي قـلــب محـسـوبـك غـــلا بــاقــي
مـحــاه الـصــد والـهـجـران مـنــك يـــا أقـــرب الغـالـيـن=وأنـــا مـــن سـاعـتــي هــــذي عــلــى فــرقــاك سـبـاقــي
ولانـــــي نـــــادم ولا ذارف الــدمــعــه مــــــن الـعـيـنـيــن=فـراقــك ثـالــث أعـيــادي يـــا مـخـلـف هـقــوة الـهـاقـي
تـقــول أنـــي هـويـتـك تسـلـيـه وأنـــي مـــن السـالـيـن=ولا قــــد يــــوم يالـمـحـبـوب جــيــت تــقــول مـشـتـاقـي
تــقــول أنــــي بـخـيــل ٍ بالـمـشـاعـر كـنـهــا بـالـديــن=وتـقــول أنـــي شـفــوق ٍ لــلــوداع ولـحـظــة فــراقــي
وأنــا مـاقــول غـيــر الله حسـيـبـك يـــا غـــراب الـبـيـن=جحدت أش كـان ميثاقـك جحـدت أش كـان ميثاقـي
نسيت أش كان عينك تنتظـر جيـت مسـاء الأثنيـن=عشـان تشـوف فـي عـرض السحابـه نــوض بـراقـي
نسـيـت دمـوعـك الـلـي مــن عيـونـك تـغـرق الخـديـن=لـيـا مـنـي بغـيـت أرحـــل أشـــوف خـويـطـرك ضـاقــي
ولا أرحل لين أشوف الضحكه اللي في خفاك تبين=علـى مبسمـك يامـن هــو شـلـع قلـبـي مــن أعمـاقـي
نسيـت الـلـي مـضـى بيـنـي وبيـنـك فالعـسـر واللـيـن=وأنــا الـلـي لأجــل عيـنـك بـعـت جمـهـوري وعشـاقـي
تـنـكـرت لــفــؤاد ٍ حــبــك وجــرحــه غــــدى جـرحـيــن=بـعــد جـــرح اللـيـالـي جـرحــك الـلــي لـخـبـط أوراقــــي
أثــر بـعـض الـعـرب لأكرمـتـه بـزيـن ٍ جــزاك بشـيـن=وهــــذا درس لــلــي فــــي وفــــاء الأنــــذال مـنـسـاقــي
تــوكـــل والله يـجــازيــك يــالاعـــب عـــلـــى الـحـبـلـيــن=وأنـــا مـــن سـاعـتــي هــــذي عــلــى فــرقــاك سـبـاقــي
ولانـــــي نـــــادم ولا ذارف الــدمــعــه مــــــن الـعـيـنـيــن=فـراقــك ثـالــث اعـيــادي يـــا مـخـلـف هـقــوة الـهـاقـي

وسلامتكم ...