يامطوّل الغيبات مابي الغنايم

[بقايا جروح]

صباح / مساء .. الجوري اعزائي
ــــــــ
يامـطـوّل الغيـبـات مابي الـغــنــايــم
مـفـروض كنت تجـيـبـهـا وجـبـتـهـالك

اسوقهـا والـحــظ سـاعـات قـــايــم
عـشـان تـعـرف قيمة الـلـي سـعـى لـك

شفني بغيابك ياكحل العين صـــايــم
والقى فـطـوري عـنـد سـاعـة وصـالـك

احساسي اصبح به وامسيك هــايــم
واهـيـم فـي واديــك وارقــى جــبــالــك

حـظـي واعـرفه دايـم الــدوم نــايــم
كـل ما صحى من غفوته مـا صـفـالـك

لاقفيت عني صرت بالـشوق ضايـم
مـن عـقـب فـنـجـالـن تـصـبـه ادلالــك

يفدونك الـلـي يـلـبـسـون الـعـمـايـم
ويـتـلـونـك الـلـي جـاوبـو فـي سـؤالــك

احوم وتبـقـى حـومـتـي وانت حـايـم
والشمس في مغربـك تـلـعــن زوالــــك

عندي ســؤال احـيـان اطـريـه دايـم
وشهو جـرا لـلـوقـت ووشـهــو جـرالـك

سـاعــه احـس انـي بـلـيـاك عـايـم
ناوي اجي وآصل واغوص ابـمـجـالــك

ناسن تبـي قـربـي بسواة الــعــزايـم
يــبــطــون ومـا فــكـرة أدور بــدالــك

يامطوّل الـغـيـبـات هـــاك الـغـنـايـم
مـن فرحـتـي بجـيـتـّـك انـا جـبـتــهالـك
ــــ
اخوكم
بقايا جروح