قصيده في العام الجديد

[صالح البحيح]

هذه قصيده للشاعر /عبدالله ابن محمد البحيح

بمناسببة العام الجديد

يالله اني طالبك نـو وسمـي حقـوق====يستخيل من المناشي ومنشيـه اومـره

راكد ممشى سحابـه وبراقـه سبـوق====وجتمع رعده وبراقه وسيلـه ومطـره

اوله يسي علاوي الشعيب وقـر فـوق====والشعيب يقوم سيلـه لبطنـه وظهـره

ويتحدر مالجبل والحثـم يـم العـروق====واستهل وشاق عين المخيـل واسبـره

جـر نـوه مدلهـم وبراقـه خفـوق====نزل الله كل خيـره وعدانـا اخطـره

من صلاة الظهر ودان لا عقب الشروق====لين سيله يمـت العـرق رده وحجـره

لا مشوه اهل الدبش قامت انفسهم تتوق====كل منهـم عـس دار يحبـه ونحـره

والبـق لا زلله خمسـة ايـام يشـوق====واسمحت ذيدانهم ما بعد نـط اشهـره

والبيوت مشيده بينهـا مثـل الفتـوق====كل منهم راوز لبيت جـاره وقطـره

والعزيمة دارجه غيرها بـن وغبـوق====وكل رجل اتشوف طيبه ففعله وانظره

زين نشر ادباشهم في سمار في طروق====وراعي البل قدم مقهورها جاء وقهـره

والخزامى جالها فـي منابتهـا عنـوق====والنصي مخالطه نبت قسور وزهـره

كل عشر ايام ينشي من القبله صـدوق====واتبع منشـاه الاول جديـد واسمـره

س
اكن عنه الهوى لا رعود ولا بـروق====رحمة الله عمت الدار ورضاه اغمـره

ربعوا هم صيفوا كن ما جاه مخلـوق====الله الي عـز داره وبالرجـع اعمـره

والطعام الحمد لله قعد في كـل سـوق====وان غفل راعيه نشى خيـال ودمـره