جــــــــــــــرح السنيــــــــــــــن////

[فايز آل بذال]

السلام عليكم

مبارك عليكم الشهر

غنائية جرح السنين للتواصل معكم

جرح السنين

راجع حزين
صوته يناديني صداه يغافل جيوش الكرا
صوته أنين
يسري على متن السحاب اللي معه شوقه سرا

راجع يساومني على جرح السنين
راجع يكلمني عن الشوق الدفين

راجع يذكّرني بهواه
راجع يتعّبني معاه
شوق وحنين
جابه يكفّر عن خطاه

ياهاجري وش رجّعك
مالك محل ما أخدعك
مالك مكان
إرجع وخذ جرحك معك

ياما على جرحي قسيت
ياما على قلبي جنيت
ياما جفيت
ياما أخذت وما عطيت

مالك على جرحي يمين
حزني على وجهي يبين
مالك يمين
تعطي ولا قلبك يلين

مالك جدا تتأمله
جرحي وانا بتحمّله
جرح السنين
مابه مكان تكمّله!!

وصلنا لآخر فصول الحكايـة=وصلنا يـا عذابـي للنهايـة
عطينا وما جنينـا الا شقانـا=ألا كيف العطا يصبح جنايـة
نزف جرحي ولالي فيه حيلـه=شقيت ورحلتي كانت طويلـه
خلاص انسى وانا بنسى هوانا=وصلت لآخر ايامـك معايـة

راجع يساومني على جرح السنين
راجع يكلمني عن الشوق الدفين



راجع يذكرني بهواه
راجع يتعبّني معاه
شوق وحنين
جابة يكفّر عن خطاه

طيب وتاليها معاك !!
وردتني لدرب الهلاك
قلبي نساااااك
إرجع ورجّعلي جفاك!!

ياهاجري قلّي لمن
تنزف من اجروحك ثمن
قلّي لمن
جرحك يداوية الزمن

إرجع حبيبك محتريك
إرجع عشانه مشتريك
ماظني فيك
تاخذني في حبه شريك

داري على الحب الجديد
خلّك معه دم ووريد
لا لا تزيد
كثر الحكي وش بيفيد

حاول حبيبك تفهمه
منك الوصل لا تحرمه
لا تظلمه
مثلي وصرحك تهدمه

حبيبك مثل حبـي لا تبيعـه=وحاول تفهمه حاول تطيعـه
قدرنا ما نبيع اللـي شرانـا=ولو ضاقت بنا الدنيا الوسيعه
تعبت ولا بقى عندي وسيلـه=مثل من ضاع بالصحرا دليله
صحيح إن غيرنا يجني عطانا=ولكـن العطـا فينـا طبيعـه

وسلامتكم