[( لـغـة الإحـ تيــاج..!! ]

[ياسر السفياني]

(( ألا ياحلم ))


أنا احتاج اللي يغليني ويشتاق لعيوني حيل

ويهدِمني ويـبنـيـني وانا اناديــه : يا عـونك

أنا احتاج اللي يفقَدني ويعشقني بلا تمثيل

واذا أقسى عليه يبوسني ويقول : ممنونك

وربّي ما نسيتك حلم وبـعـيـونك مياة النيل

وربّي لو ألاقـي بـك وفـا واخلاص ما خـونـك

أنا احتاجك تـتـيّمني أنا احتاجك ونَس هـ الليل

أنا احتاجك تـعـطـّشني وتسقيني من اعيونك

أنا احـتـاجـك تـذوّبـنـي تـكهـربني بلا توصيـل

وتسكِني بأشعارك وانا بــ غـلـيـك واصـونك

أنا مكسور يا حلمي وقلبي صـار كالبرميل

وصرت خايف أجاوبهم إذا قالو لي إشلونك ؟

ألا يا خافقي والـروح تناديـنـي بجوف الليل:

ألا يا ياسـر المجـروح لا تبكي على هـونـك

أنا ماقول : أنا احبك لأنّ الحبّ مو تطبيل

ولكنّي عشقتك حلم ولجْله صرْت مرهونك

أنا احلم بك قبـِل قابيل يتجنّى على هابيل

ومن قبل المطر يسقي عروقي هـلّت امزونك

ترى لحنك يهـيـّـجـنـي ويهـديني بلا تضـليـل

فـؤادي وقـت تعـزف له يطيـر يصيـر مجنـونك

وكيف آخبـّرك عنّي وقد حلـــّـلـتـني تحليـل ؟

وكنّك عارفــ ن طبعي وكـنّي راسمــ ن لونك

أشوفك حلمي الطاهر وودّي اقـبـّـلك تقبيل

وتغلب كاظـم الساهـر إذا سمّعتني لحونك

أبي أنسى معك جرحي وأحزاني وما قد قيل

ترى بـ اسلّفك قلبي واسدّد في الهوى ديونك

أبيك الليـلة تـوعـدني وتـكتـب لي بعَد توكيل

تـفـوّضـني بأمــر قـلـيـبك المـغـرم ومـكـنـونـك

أبي تخلص ليْ ياروحي وما يغشى الحشا تبديل

تبيع الـكـلّ علشـاني ومـهـما مـهــمـا يـغـرونـك

ولو أقسى ولو أنسى ولو يعقب صباحي ليل

أبي أعرف مكاني فيك أبي مافارق اجفونك

ولو توفي لي باوفي لك وتصبح خطوتي لك ميل

ولو حسدونك العذّال بــ خـلــّـي عيوني يرقونك

إذا دام الـغـلا مـنـــّك يصيـر القلب لك زنبـيـل

بجيك آقول : إبشر بي ترى هـالناس يفدونك

بقولّك : هدّني حبّك وعطّـلـت الدمـاغ تعطـيل

ألا يا حـلـم ها الـدنـيـا ولا تـسـوى أبــــد دونـك
.........

السفياني