لشعـر وقـت وللمهمـات رجـال

[خليف الوهيداني]

لشعـر وقـت وللمهمـات رجـال=ولا فيه طيب بدون فعـل وخسـاره
والمرجله ماهي سواليـف وأقـوال=درب(ن)على الرديان صعب(ن)مساره
لو أنها بالهـرج مـن دون الفعـال=كـل (ن)تعلـى بالمجالـس وقـاره
ولاصار فيه أنذال ورخـوم وأبطـال=ولا شب راع الطيـب لطيـب نـاره
ولولا الظروف وقسوة الوقت لامـال=ماصار بـه طيبـآ تقـادح شـراره
واللي يبي يحتال بالهـرج يحتـال=ويجيبها في طـرق مـزح وعيـاره
ومن كان بين الناس بالهرج نقـال=عسا هدف نفسـه يسبـب دمـاره
وراع الكبـر لعـل واديـه ماسـال=عساه من كبـوه بجـرف وخبـاره
واللي يرب الدقـن والقلـب دجـال=لو طال ستره يكشـف الله ستـاره
والشعـر ماهـو لرجاجيـل مكيـال=لو قال به راعيـه أجمـل أعبـاره
قال الشعر حريـم وعفـون ونـذال=وتضرب به المثـال نـوره وسـاره
وأصل الردي ماترفعه كثرت المـال=يبقى ردي لو صار راعـي تجـاره
والطيب اللي ماشكا عثـرت الحـال=وفعل كرم ظيفـه وربعـه وجـاره
حتى ولو جيبه فـرغ مابـه ريـال=يعجـز لسانـه مانطـق باعتـذاره
والسر صندوق(ن) محفـظ بالقفـال=ومفتاحه لسـان الرجـل ونتشـاره
والسالفه لا صارت عنـاد وجـدال=دخـل بهـا راع الفتـن والاثـاره
ومدح الرجل نفسه سماجه مع هبال=مدحه من اللـي ياصلونـه زيـاره
والا ان بغينا نقول والحـق ينقـال=ومنزعل يضرب بالجما ضلع قـاره
قلنا وفينـا القـول مثبـت ولا زال=من فعـل مـن حنـا بقينـا بـداره
اللي عسا له جنـة الخلـد منـزال=اللي وقـف لجـل المعـزب لغـاره
معتق ليا جا ذكـر فـارس وخيـال=ذكره مثـل ذكـر الحيـا والبشـاره
قول فعـل وشعـار بقـت للاجيـال=ماهـي علومـآ توهـا مستـعـاره
ماهي سوالف راعي القيل و القـال=اللي كلا عقـب الرغيـف الكـراره
ومن باتجارب مر بسنيـن أطـوال=وذاق الحلا بالتجـر بـه والمـراره
يفرق عن اللي عاش في فئ وظلال=اللي لنوم الظهـر صـك الستـاره
وجبر البشر ترضا بماجبـه الفـال=والرزق عند الله وصعـب أحتكـاره
وكل (ن)يحاسب عن ذنوبه والاعمال=ماعن حسـاب الله مفـر وشطـاره
ورجل(ن)لصعبات المهمـات حـلال=لو بات ليله جـوع وكمـل نهـاره
يموت مايمشي مع النـاس سـوال=ورزقه على اللي كـل هالكـون داره
ورجل(ن)ضعيف ولاقدر يستر الحال=والفقـر مامشـاه درب الـطـراره
حتى لو أنه ماملـك مـال وعيـال=يعيش في قـدرن رفيـع وطهـاره
وأمارتـآ منزالهـا يضيـق البـال=والجوع بانآ فـي طرفهـا جـداره
العيش فيهـا فقـر وهمـوم وذلال=وخيـر منهـا تجارت(ن)بالنجـاره
والحمل يبرك له رجاجيـل وجمـال=والحـر حـر ويكتفـي بـالاشـاره
وقد قالها ضيدان في ضرب المثـال=بشت الغنـاه ولا بشـوت الامـ