هـرج النســاء (مصافحه اولى)

[محمد بن مشاري]

السلامـ عليكم والرحمه

اولـ مشاركه بهذا الصرح الرائع وانشاء الله تنولـ على رضاكم

العين سهرانه وبالقلب بركان=واحاول اسلى مير ماني بسالي
احاول اسلى ياهلي كيف ماكان=اما مع العربان والا لحالي
يابوي لاتزعل تراء القلب مرضان=ماعاد اميز بين مرً وحالي
ماعاد اميز بين صدقً وكذبان=هرج العرب يابوي هز الجبالي
هرج القفى يابوي بخسً ونقصان=وأرجيك انا لهرج القفا لاتبالي
مايهرج بهرج القفا غير نسوان=نقالة المحكى على غير والي
يانعنبو وجيهً كئيبه وسودان=يانعنبوها حيثها ماتبالي
ناسً على النمات بالحيل عجلان=وبالمرجله ماتنشراء بالريالي
لاجيت تطلب فزعته قال تعبان=وياشين زوله في المجالس يلالي
هذاك ودنه على الرجم نيشان=ويعطى على وجهه ببطن النعالي
عساه يبقى عبرةً طول الازمان=للي بغى دربه عن الدرب حالي
صوتي وانا محمد على الدوم عليان=كلً يبا يوحيه مادام عالي
أهرج بوجه الرجل لوكان ماكان=ماهمني لويشرهون الرجالي
مادام حكيي حق ولاني بغلطان=هو ليش اوطي الصوت واشبه بحالي