من راح منهم غيبته اليالي

[عماش الرقعي]

مرثيتي في والدي عميش بن لافي وعمي بقيش بن لافي رحمهم الله برحمته

لبارحة من غيبت الشمس في حال=وترحال رحله متعبه حيل حالي
حليت في حيله وحولت من عال=عليل عله وعلتي فقد غالي
غالي ورى غالي رحل والسفر طال=طال السهر علي والدمع سالي
سالت دموعي سيل سبال همال=سلسل سبل الدمع هطال مالي
مال وتميل دافق الدمع خيال=خيل خياله وستهل الخيالي
بكيت وقفيت البكاء ضيقه البال=وصفقت بالكف اليمين الشمالي
على فراق اثنين غالين وجزال=معذور لو ابكي سنينا طوالي
ابكي عليهم كل مذكرهم جال=(ابوي ) و(عمي) محتمين التوالي
دمعي عليهم مرخصه كل مامال=وعيني عقبهم ماتنام اليالي
من عقبهم ماكن لي بيت وظلال=ولاكن لي ديرة ولا لي رجالي
حزني عليهم ماله وصوف ومثال=وفقدي لهم اكبر خسارة بمالي
يارب نزلهم سوى دار الانفال=ونور عليهم ياعزيز الجلالي
وثقل مواطيهم بميزان الاعمال=وسكنهم جنان النعيم العوالي
وغفرلهم ورحمهم ياعالم الحال=يامحيي الميت ومرس الجبالي
وجبر عزا قلبا حزينا على صال=من فقدهم كنه على ضو صالي
لامن تذكر ماضيا راح ونزال=جداه طش الدمع ياعز حالي
راحو رجال الطيب والعز والفال=مهببين الريح نعم الرجالي
اللي مواقفهم عريضات وثقال=لاوقفو شالو حمولا ثقالي
تاريخهم تاريخ منقوش تمثال=الراي واحد والصعايب تشالي
وقلوبهم ماوسخوها هالقال=ولامنهم اللي طاع ام العيالي
مجالسهم واحد على شرب فنجال=قروم روس قروم عما وخالي
اهل الشيم واهل القيم فعل وفعال=زحول الرجال مكرمين السبالي
رجالهم فيه الاصاله والامثال=تضرب به الامثال في كل عالي
راحو مراحا مايجي منه مرسال=من راح منهم غيبته اليالي
عيال لافي فقدهم متعب الحال=عميش راح العام وبقيش حالي
يارب صبرني على كل الاحوال=ياغافر الزله عظيم الجلالي
وصلاة ربي عد من حج وجتال=وطاف وسعى فالبيت وكمل وشالي
على شفيع الخلق في يوم الاهوال=شفيعنا يوم القاء والسؤالي

[فهد الدباسي]

عماش الرقعي


حضورٌ متميز

و نصٌ رائع بـ معنى الكلمة

غفر الله لهما و رحمهما
و جمعك بهما و إيانا في جنات النعيم

صح لسانك و لاهنت

تقبل تحياتي



ملاحظة : تم تعديل التنسيق لأن القصيدة لم تكن واضحة

[محمد الناصر]

نص مليءٌ بالشجن و الروعة
..
قراءته تسر القلب و تسعده
..

عماش الرقعي


صح لسانك ولاهنت

[عبدالله الخليفة]

عماش الرقعي


نصٌ جميل و حضورٌ راقي


صح لسانك و جاد بيانك


تحياتي

[قديم الشوق]

أخي الكريم / عماش الرقعي ..

صبحك الله بالخير ياغالي

وأحسن الله عزاءك وعظم أجرك في والدك وعمك الغالين عليهم رحمة الله

وصح لسانك على هذه القصيدة النازفة والمشاعر الصادقة التي تدمي القلب

وأسأل الله تعالى أن يعوضهم الجنة آمين

وتقبل فائق احترامي وتقديري

أخوك / قديم الشوق

[محمد الفرحان]

.

.

شاعرنا

عماش الرقعي

.

.

صح لسانك وعلا شانك ورحم

الله والدك واسكنه فسيح جناته

.

.

دمت بهذا الحضور ولاعدمنا تواجدك.

.

.

تقبل فائق تقديري واحترامي

[حمد فرحان]

عماش الرقعي

حضور أكثر من رائع

تسلم يمينك ولاهنت

فائق تحياتي

[مزون المحمد]

عماش الرقعي


صح الله لسانك

ورحم الله والدك وعمك وموتى المسلمين

لاهنت

[لون الثلج]

:

قرأتها ونزلت دموعــي بدون ماأدري

عماش الرقعي

الله يرحم والدك وعمك الله يغفر لهم ويرحمهم ..ويرحم موتى المسلمين

إحترامي لك..//

.

شاعرنا الرائع


عماش الرقعي




صح إحساسك ونبضك

لهذه القصيدة الرائعة

ودمت لنا بكل نقاء حرفك







إيمان