,؛,ادخل واحصل على خروف مجانا .. كلكم ادخلووواا ,؛,

[دمعة الغيم]

ماعدنا عيد هالسنة :(


اذا الله عطانا عمر برد السنة الجاية :D <<< ما أبيخني خخخخخخخ


ارق التحايا لبياضكم


وكل عام وأنتم بألف خير

[محمد الفرحان]

.

.

*// عاااد الله لايهينكم نبي منكم .. نأخذ أحد الموااقف اللي صاارت لكـم ,,

أو اللي صارت للعاائلة مع الخروف .

بهالعيد :

تشخصت وذهبت لسوق الغنم ( احد يتشخص لسوق الغنم )ههههه

وشريت الذبيحة وحملتها بالسياره وأجي بأحاسب وأكتشف

اني نسيت الفلوس بالبيت

رحت انا وراعي الغنم نصرف من اقرب ماكينة ردت الماكينة وقالت :

عفوا لايمكن اجراء العملية المصرفية

رجعنا للحوش ونزلت الذبيحة وقلت له انتظرني خلال ساعة

وشفتكم ولاشفته

طبعا شريت من عند واحد ثاني بعد مارحت لماكينة شغاله وسحبت منها .



*// وفيه سؤال يؤرق مضعجي ويجول بخاطري ع الدوااام ..

هل قد شفتواا ذبيحة وهي تموت قدام ناااظريك .. وتلفظ انفااسها الاخيرره ..؟؟ ..

كثييييييييير



*// واذا كنت رجال هل قد ذبحت الذبيحة.. وكم مررة ..??

هذي هوايتي في العيد وغيره

على فكرة :

ماعمري وديت ذبيحة لمسلخ .



ومن اللي يذبحها معك يعني احد يساعدك ؟

ماهو انا اللي احتاج احد يساعدني على ذبح خروف

حاشي ممكن .



وايش هو احساسك لما تجي تذبحها <- لاتضحكون على اسئلتي رجااء ..؟

عادي :

كني رايح اشتري اغراض من البقالة .



*// واذا كنتي بنت هل قد قطعتي الذبيحة وسلختيهاا ..

وهل عندك استعدااد لانكـ تسوين هالشي والا فاشلة بالحياة

وماعندك، ماعند جدتي ?

لو كنت بنت ماراح اختلف عن ابومفلح الرجل بس بيكون الذبح بحنية .



*// هل فطوركم بالعيد يكون من الاضحية والا تسيف وقلوا لنا وشو

الله لايهينكـم .!!

معقولة اذبح ذبيحة واجيب فطور من برا !!

اكيد بافطر من الذبيحة كبدة وكلاوي .


*// وش أكثر شي يهمك بالعيد .. لما تصحى .. واكثر تحرص عليه..!؟؟

صلاة العيد وان الخرفان تشرب موية قبل مااذبحها .



*// شي بتفقده بهالعيد هالسنة ..!!??

الله يرحم أمي ويسكنها فسيح جناته .



*// هل أنت من محبين اللحوم .. !وايش الوجبة اللي تحرص على تناولها

بالعيد ..

احب اللحمة واموت فيها واحترم الكبسة .



*// واذا قد احد منكم راح للحج مررة .. ياليت يحكي لنا مواقف قد صاارت له .. ??

عندما قمت بالحج قبل سنوات وكنت ضعيف البنية ( حلوة ضعيف البنية ) هههه

رماني حظي العاثر وسط حاجات من افريقيا ( الوحدة عن رجالين )

وقسم بالله ماطلعت من بينهم الابمساعدة الخيرين

بيني وبينك تعثرت بينهم وتوطوني وعلى مركز الاسعاف بمنى عدل

ووكلت في رمي الجمرات الثنتين لاني جلست تحت العناية المركزة 16 ساعة

كسروا ضلوعي بعيد عنك ( لعنبوا من قال انهم حريم ) ههههههه



//*وايش الا شيااء اللي افتقدها بمكة .. والاشياء الروحانية اللي شعرت فيها

ومالقيتها بأي مكاان اخر..؟؟

زحمة يادنيا زحمة

وفي الجانب الاخر :

مكة في الحج تذكرك بيوم الحشر .



//*من اول عضو ودك تهنيه بالعيد ..؟؟

كل اعضاء المنابع وفي مقدمتهم اخواني فهد الدباسي وبسام بن عبدالعزيز



//*من اول شخص في البيت تحب تهنيه ..؟

ام مفلح .



//*وشوو برنامجك داايما بالعيد الاضحى..؟

انا مشتت بين الرياض والمنطقة الشرقية ويختلف جدولي بالعيد

حسب مكان تواجدي .



//*وش نوع الملابس اللي تحب تلبسها يوم العيد..؟؟

الثوب مافي غيره .

.
.

شكرا لكِ لون الثلج على هذا المتصفح

وعاد عيدكِ وكل عام وانتِ بخير

.

.

تقبلي فائق تقديري واحترامي