بنت وقراري هـز جملــة رجاجيل!!!

[ظافر الأحمري]

سلمتي وسلم نبضك على هالنص الراقي

سجلي اعجابي ومتابعتي ولك تحياتي

[ناصر الحنو]

الله الله الله يادانه

ابداع شعر وروعة حضور
صدق نبض واحساس وفاء
وشموخ يغرد بعزة الكبرياء

مبدعة ممتعه بحق

صح لسانك ولاهنتِ يابنت الاجواد

كل التقدير والاحترام

اخوك ناصر
ظماالعشق

[مشعي بن بريكان]

الدانة

:::::

( بنت الشهيد ) اللي كسر ظلمة الليل
...............اللي على كبود العـدا صـار علـه



كفو يالدانة ... صح السانك على قصيدتك المليئة بالشموخ

:::::::::::::::::::::::::::::::

رحم الله الشهيد يابنت الشهيد


::::::::::::::::::::::::::::

تحياتي

[ناصر آل شهوان الهاجري]

اختي الداانه



صح لسانتس


عندي وجهة نظر ممكن تكون مخالفه للأخوان اللي سبقوني

إلا وهي : -




يا طيـر قلـه العـوض فالمقابيـل
تـوه تذكـر واحــدن مخلص ٍ لـه
توه يجيني يـدرج الدمـع ويسيـل
يحسـب خفوقـي هالخبـل لعبة ٍ لـه
من مال عن دربي أنـا عنـه بميـل
ولا عـاد أفكـر فيـه ولاجـيـه لله
بنت وقراري هـز جملـة رجاجيـل
أمرن عقدته منهـو اللـي يحلـه؟!
دانه أنا مـا جيـت درب المهابيـل
لا وهنـي اللـي أنــا مكسب ٍ لـه
ربيت في بيـت العيـال المشاكيـل
اخـوان دانـه سعـد منـهـو هل ٍ له
( بنت الشهيد ) اللي كسر ظلمة الليل
اللي على كبود العـدا صـار علـه
ما عاد يشغلنـي بكثـر المراسيـل
مـا عـاد قلبـي ياعـرب مـدهل ٍ له
ماتفيده الأشعـار وكثـر المواويـل
دامي أشوووفه فالعمر بس زلـه!!!


قااافية ( له ) تكررت 5 مرات في قصيدتتس اختي

كلمة مخلص + لعبه + مكسب + هل + مدهل

تعبر الـــ له المشبوكه فيها دخيله عليها

وتبقى ( له) قافيه تكررت

عموما ً

(( إختلاف الرأي لايفسد للود قضيه ))

تحيه لك اختي

[قديم الشوق]

أختي الغالية / الدانة ..

صح لسانك على هذه الشامخة

قصيدة معبرة وجميلة من شاعرة عذبة ومتمكنة

شكرا ً لك من الأعماق على إمتاعنا بهذه الرائعة

وتقبلي خالص تحياتي وتقديري

أخوك / قديم الشوق