السلام عليكم
صباح الخير
بعد غياب اجباري
اقدم لكم
قصيدة بسيطة
وأتمنى ان تنال اعجابكم
مع عتبي على الأخ محمد الفرحان
الشعر لو تكتبينه قال من زود الدلال = كسّريني كسّريني أيييييه يااحلى شااااعرة
والله انك في عيوني ياعيوني راس مال = والوزن لا لا يهمك حالفاً لا اصادره
آتشرف باهتمامك لا عطيتيني مجال = واجمل الكلمات دايم من خيالك صادره
حتى انا مثله احبك حب أشبه بالخيال = والله اني لو باعبر ماوصلت لآخره
ياحلاتك لامشيتي ابنرجسية واختيال = حسنك الطاغي وسحرك منهو اللي يجاكره
فارقه عن زين غيرك ..شامخة مثل الجبال = واثقة خطوة تبختر ..في محيط الذاكرة
لا كلام ولامقام ولاقوام ولاجمال = لاحضور وجاذبية لا وصوفاً ساحرة
تزعلين ان ماعزمنّك صاحباتك باحتفال = مايبونك يااللي دايم للصبايا قاهرة
يلبسون ويكشخون ويشترون اللي محال = وانتي والله لو لبستي أي شي امغايرة
تسمعين اعجاب دايم بس ماتلقين بال = وان شكرتي تشكرين ابنظرة اللي امكابرة
اسمعيني وافهميني وجاوبيني هالسؤال = منهو اللي علّمك تضييع ناساً ماهرة
كنت انا (دافور سابق) وانقلب هالحال حال= لجل عينك كل ليلي بالقصايد ساهرة
لاطريت الك الدراسة قلتي قال الدرس قال = ياولد (طنش تعش ) هي ليه نفسك حايرة
شوفني ابثالث وثالث ماتبي ضحك وهبال = دايم آبرشم وربي مالي خلق امذاكرة
اكتب اسمك في يمين الصف مرة بالشمال = مدرستنا كلها اسمك من يديني صايرة
من كثر مااحب العب صارت الدعوى سجال = كل يوم ابمشكلة مابين ابلا وناظرة
بس انا اعجبك والله لنّي من نسل الرجال = بنت شيخاً ولد شيخاً من عصوراً غابرة
بنت رجلاً لاتعزوى رد ّ صعبات المنال = مايهاب الموت كاسر للرجال الكاسرة
وانت ياللي لاطريته قلت لله الكمال = كملك ربي بأصلك من حراراً نادرة
ابدوياً بالرجولة صايراً مضرب مثال = يابعد ربعي وناسي والوجية العابرة
قلت انا لاتمدحيني بختصر لك في عجال = قولي آحبك ويكفي كان جيتي زايرة
وان حصل مرة وشفتي جوّنا فيه انفعال = اطري اسمي في شفاتك واقلبيها امسايرة
واشهد اني بك حظيظ اليا ارتشفت امن الزلال = ظامي التأجيل لاعه عالهوا امباشرة
سفرّي حزني تراه ابوسط قلبي لايزال = لو يجي لك جيش كامل والله انك قادرة
الفرح خكري توهّق خايف امن الاغتيال = من ثلاث سنين حزناً عربجياً حاشره
قالت اصبر ..بس لحظة.. عطني بالله هالعقال = ودي اكفر فيه ضرب إلين اضيّق خاطرة
لين راح الحزن كله مع عذابات الليال = من يدين الفاتن اللي بالنعومة آآآسره
تسوى عندي في غلاها كل ربّات الحجال = حاجزة قلبي قدوم ابدون أي امغادرة
وش بقول ووش بخلي والهوى اكبر من مقال = دامني منها اكتشفت ان القصايد غادرة
قبل تمشي قلت ابحكي شي مايقبل جدال = دام نفسي باللي ابصالحك جاتك آمرة
ذااااابحتني في جمالك ذااااابحتني بالدلال = بس لو انك ياعمري بالدراسة شاطرة...!
تحياتي للجميع
فايز الحربي
أنت غير مسجل في منتديات منابع الأدبية . للتسجيل الرجاء إضغط هنـا
05-11-2006, 10:41 AM
بحيرة البجع + فرح خكري + حزن عربجي = طالبة داجة + دافور سابق
فايز بن ماجد 
العرض العادي
