أنا ما مرّني عيدي .. ولا شفتـه .. ولا جالي !!

[بسـام بن عبدالعزيـز]

بسم الله الرحمن الرحيم



أعزائي

هي فرصة أنتهزها لـ تهنئتكـم بعيد الفطر المبارك

أعاده الله علينا وعليكم بالصحه والعافيه

وكل العمر وأنتـم بخيــر

.

حضوري هنـا .. قصيــده

تستذكر تفاصيلهـا مشاعري في كل عيـد !

في مثل هذا الوقت من كل سنـه !

وهي بين أيديكم بكـل مشاعرهـا ..

.

جميع الناس تِدعيلي .. ( شهر ) مَقبول بعْمَالي=تِبَاركلي قدُوم ( العيد ) .. عَساني .. مِن حَيا وعَاده
( رِسَايل ) .. مالها أول .. ولا آخر .. لِجَوّالي=كِثيره .. توصَل ( الوارد ) .. عَجز لا يقبل زيَــاده !
بَعضهم .. يَذكر .. ويَرسل .. رسايلهم عَلى بالـي=وبعضهم .. يتّصل .. يَسأل .. وجَاوبهم على العَـاده
( طَيّب ) .. ( ما عليّ خْلاف ) .. ( أبَشركُمْ عَن أحوالي )=وحَمْد الله .. عَلى كل حَال .. حِنّا تحته عْبـَــاده
كلٍّ ظنّ .. بي ظنه .. سِعيد .. وخَاطري سَالـي=كلٍّ يَحْسب أيامي .. عَلى الأفراح مِعتـَــاده
مَافيهم أحد يَدري .. عن إللي كان يِجرالي=ولا فِيهم أحد مِثلي .. يشيل الهمّ بأعيـــاده
أنا .. ما مَرّني عِيدي ! .. ولا شِفته ! .. ولا جَالي !=ولا حَتى سِمَعت .. إنّه تَأخر يوم مِيعـَاده
غريبه !! .. عَادته يَقلط عَلى مَركاي .. ودلالي ؟=يِسُولف لي عَن أحْواله .. وضَوّي دوم وقـّـاده
غريبه !! .. مَرّ من عندي .. ولا حتّى تعنّالي !!=لا نَاظر .. ولا سَلّم .. وأنا مِذْهِلني عنـَـاده !!
بَس .. لَحظه .. عَرفت ألحين .. ليه ما كان يصفالي=أشوف العِيد مثل الناس .. وأعز الناس في بعَـاده
بِعيده إيييييييه عَن عيني .. وزَاد اليوم غِربالي=يمرّ العِيد .. وعيوني .. عن الغالين .. نشــّــاده
تنشدني .. وش إللي صار ؟ .. وليه المنزل الخالـي ؟=وينه نورها ؟ .. وينه ! .. تقولي : صَاحبي نــَـاده
وأنا .. عاجز أجاوبها .. جاوب دمعي وسالي=على خدّي .. يعَلّمها .. يحاول يوصل مــراده
وأنا في ضِيقة أحْزاني .. أبد .. مَا كان يِطرالـي=تِكَلّمني .. تِعَايدني .. على ( الجوّال ) يا ســـاده
ألو ؟ ( بابا ) .. أنا ( بنتك ) ! .. وهَلّ الدّمع طَوّالـي=بدُون شعور .. وكَلماتي .. تِقل مَاهيب منقـَــاده
( غلا ) بنتي !! هَلا عمري .. ياعِيدي الأول التالي=يا كِل أفرَاح هَالعالم .. بدونك عيد .. وش عـَاده ؟
عَساك بخير .. قوليلي ؟ .. ترا مانيب بلحَالي=مَعي طيفك يِسَلّيني .. خَيالي دوم يِرتـَـــــاده
أنا مِشتاق لعيونك .. وذَاك المبسم الحالي=بَعد مِشتاق لحروفك .. وكِيف مْكَسّره سَـــاده
أنا مِشتاقلك كلّك .. مِتى وصْلك تَهيّالي=بجيك أسَابق الخطوه .. يا كلّ الذوق وأسيـــاده
أشيل الهمّ في صَدري .. ودَمع العين همّالي=عَلى ظَرفي .. عَلى وضعي .. وأشكي ليلي وسَـاده
وأنا رَجواي في ربّي .. الكِريم .. الوَاحد .. العَالـي=يزيح الهمّ عَن صَدرٍ كثير النّوح .. ما فـَـاده
ويحفظلي بَعد ( بنتي ) .. في دِنيا غيرها مَالي=يِعَجّل لي بشوفتها .. ويَجْلى الهمّ وسـْــــواده
أنا حَسبي عَلى ظرفي .. كَانه مَيّل ظلالي=وخَلاّني سِهير الليل .. وكلٍّ مِهتني رقـَـــاده
( يا بنتي ) .. بَس .. قوليله .. منهو خَاطره سَالـي=( بابا ) .. هَذي أيامه .. عَلى الأحزان .. مِعتـَـاده !

وتسلم قلوبكم



احترامي

[بروق السحايب]

يمـرّ العِيـد ..

وعيونـي ..

عـن الغاليـن ..

نشّـاده






بسام بن عبدالعزيز

يسلم حرفك

ويسلم قلبك

وتسلم لك غلاك

قصيدة رائعة ومؤثرة

تعكس مشاعر صادقة ونقية

كل عام وأنت بخير وسلامة

سلمت الأنامل أخي بسام

[خالد ماطر]

بســــام بيذبحك غلا هـ الغلا :)

الله يستر عليها ويخليها لك ويخليك لها وتتربى بعزك

يابوغلا

سلمت وسلم نبضك الصادق

ودمت بالف خير

[( حايره )]

رسائل حب تسابق الحروف

مشاعر غلا تحتضن القلب

شوق جارف لصاحبة أعذب إبتسامة

كلمات تأخذنا في رحلة بحث عن كل غايب

وما أكثرهم ,,, وما أتعسنا عندما يحضر العيد بدونهم

بسام أبو غلا

أفرح الله قلبك بعودة الغلا إلى أحضانك

ألف صح لسانك

ولا هنت

[مشاعل ابراهيم]

الغالي بســـــــــام عبدالعزيز




ألف ألف صح لسانك وسلم قلبك على هذه القصيدة الرائعه






بما فيها من حزن فعسى الله ان يجمع شملكم بالخير وتعم الفرحة عليكم







ولا تحرمنا من جديدك فنحن على احر من الجمر








دمت بكل خير

[نايف المحينيش]

بسام بن عبدالعزيز

انت غير

وهذا النزف اثبت لي بالفعل انك غير


صح لسانك ياغلاي

شاعرنا



بسام بن عبد العزيز



ربي يحميها ويباركـ لكـ



بعمرها وفيها ويخليكـ لها




يا أبو غلا




كل عام وانت بخير وكل خير للعام إنت

.

.


صح لسانك مدد بلاعدد على هذه القصيده الرائعه


بروعة حضورك وتواجدك . .

.

.

إبداع ممن إعتدنا منه الإبداع والتميز

.

.

دمت لنا نهرا من نقاء . . .

.

.


تقبل فائق تقديري واحترامي




إيمــــــــان

[شيمة]

عَسـاك بخيـر .. قوليلـي ؟ .. تـرا مانيـب بلحَالـي
مَـعـي طيـفـك يِسَلّيـنـي .. خَيـالـي دوم يِـرتَـاده






ياويلي يا بسام
أدميت الجروح القدامى و الجدايد



لا أحزن لك ربي قلب
و عيدك و بنيتك بخير و سهالة يااخويه
ويحفظها لك من كل باس




وعساك من عواده
بلا دمع و لا سهر و لا شكوى من الليل وسهاده

[لون الثلج]

:



أنحني إحتراماًً لشعورك الصادق

الذي ترجم الموقف والمشاعر ..

بســــام بن عبد العزيز

تألقت بما رسمت من مشاعر صادقة

تشكلها الحروف..


بســام

المبدع كما عهدناك

ضياؤك هنا هلّ علينا مع قدوم هلال العيد

هاهي أحاسيسك تمطر علينا من جديد

ونحن متلذذين بانهمارها علينا

اقف احتراما لما نثره احساس قلمك المبدع

وكل عام وانت وغــلا بخير..وعافيه..

أحـــترامي ..

[حماد القريني]

صح لسانك وجاد نظمك

لاهنت ولاهان راسك

تحياااتي