السلام عليكم ورحمة الله وبركاته
اسعد الله اوقاتكم بكل خير
ومبروك عليكم الشهر
واشارك في هذه القصيده واللي كتبتها في عام 2003
لاتحسب اني جيت من شان ارضّيك = لاوالله اني مخطي العام برضاك
واليوم انا جيتك على شان اعابيك = يوم العواذل خربو زين مبداك
هاك النصايح واسمعن قبل اخليّك = واحسب حساب الوقت ونكبات دنياك
دام المواصل حبله اصبح شرابيك = وليت ياسيد القسا ول مقساك
لاعاد تلفيني ولاعاد انا الفيك = ملفيك انا يازين وان زان ملفاك
بحكم الصداقه لازم اليوم اوصّيك = واسمع كلام اللي على الجود يبغاك
احفظ كلام الله يحفظ معاليك = وصل السنن كانك تبي زود حسناك
ولاجار وقتك واصبح الهم حاديك = صوم وتحلا بالصبر فيه مشفاك
هرج القفا ياصاحبي لا يجي فيك = خاف الذي ان شاء ياكود يبلاك
وليا بغيت الهرج حاذر معانيك = ياهي تهينك ولاّ زادت مزاياك
رافق شجاعن في طريقك يباريك = لانام جفنك في خطى الدرب يرعاك
واترك سفيه القلب لابد يذيك = ولاّ يجيب العار في صيت شرواك
وبالك تبيع اللي من الناس شاريك = اسمع كلامي يابعدي لاعدمناك
ودار الحنونه دارها تفتخر فيك = واخدم ابوك اللي على العز رباك
حيثٍ رضا الله من رضاهم يجازيك = بطفلٍ وليده باخر العمر يرفاك
وحاذر صديقن في حياتك يوازيك = لا شاف دينك لأكثر الناس وازاك
والضيف لامنه لفا الدار باغيك = حيّه في قولة ياهلا فيك حياك
حي الضيوف اللي من الحي تلفيك = بحلا تحيّه حيّبا الضيف لاجاك
ولا تنسا حق الجار وان جار هو فيك = راعه وداره لو قسا فيك واذاك
واوف العهد لاوالله الناس تشكيك = وتصبح مابين الخلق مخلف وكلاك
وبالك ردي النفس مثله يرديك = خلك عزيز النفس والطيب مرفاك
وبالك تكبر على الملا في تعليك = وطبع التغطرس لايجي في حناياك
اتبع اصيلن بالقضايا يواسيك = ولاضاق صدرك بتعس الوقت واساك
وحاذر رجيمن في حياتك يمليك = وعن ذكر ربك والصلاواة لهاك
وليا قواك اطلب من الله يحميك = ويرعاك من السيد الشياطين لاجاك
ولا لا تلقي اعداك صفحة علابيك = حذراك تامن للمعادين حذراك
المال شر وبالك المال يعميك = لازاد مالك اكبر القوم حياك
ولفلست كيف ان الحبايب تخليك = حتى كبير القوم عقبن تولاك
صد وتغير عقب ماكان يغليك = وليا طلبته حاجتن صد معطاك
وليا لفيته صك عنك الشبابيك = وماتسمع الا الريح مع كل شباك
كن البيوت اللي لفتها خطاويك = مهجورتن ماعادبه كود ذكراك
المال فتنه وبالك المال يغريك = واطلب من الله عن لظا النار ياقاك
ولا ترتبي ولاتجعل المال يغويك = حيث الربا شرن وحرمه مولاك
لامت مالك يالخوي مايخاويك = لاوالله مالك كود الاعمال ملجاك
لب الندا لاشفت شخصن يناديك = ولالك شغل في هرج هذا ولا ذاك
عليك في فعل المواجيب واوصيك = بالك تغض الطرف عنها والادراك
وحذراك من خوض السهر في لياليك = حيث السهر بالليل يتعبك ويبلاك
الحب يضمي وبالك العشق يضميك = لوك عليل الروح ماوالله اسقاك
واطلب من الله في حياتك يهنيك = ويكفيك شر الهم ويدمح خطاياك
أنت غير مسجل في منتديات منابع الأدبية . للتسجيل الرجاء إضغط هنـا
22-09-2006, 03:31 PM
ازعل بس هاك
هيكل الشمري 
العرض العادي
