..!!! قيد انمـله !!!...

[فواز المطيري]

كل شي على الله والوداعه روحك=الله معك والبال دايم يمـّـك
من شانك اخذ ضيقتك وجروحك=وجور الزمان ازهل ابدّ لايهمّـك
بوحي فقلبك وانت ما احلا بوحك=مادمت في دمي وانا في دمـّـك

[فواز المطيري]

تضيق وماتضيق الا تشـوف امن الفرج دوحه=تغيب وماتغيب الا معك كل العيون تغيب
يعين الله ياقلبٍ فقد نبضه.. فقد روحه=فقد بعض الحواس الخمس.. ويبقى في عيوني ذيب
اذا ربك اخذ حاجه.. عطـآك اشياء ممدوحه=سـقـاك الله من حوض النبي في روضة اهل الطيب
هل الطاعه.. هل العزّه.. فلا تسمع ابد نوحه=تعيش وماتموت ولا يجيك ابد تثريب
نسيت ومانسيت الا قضايا حرب مطروحه=ذكرت وماذكرت الا انت في وقتٍ يشوفك ( عيب )

[فواز المطيري]

فتحه.. وكسره.. وشـدّه.. فوقهـا ضمـّـه=واعراب كلمه ولا ني عـارف اعربها
اذاكر الوقت واعرف من ثقل دمـّــه=اطلع بحسبه ابد ماكنت حـاسبهـا
قليل من يعرف ان الذمـّـه الذمـّـه=ويعرف متى الشمس مشرقها ومغربها

[فواز المطيري]

اشتآق له في غيابه كيف فحضوره=اشتاق للي حسبت اني على باله
عشته عيون الفرح وقلوب مسروره=اكبر من اللي يعيش العمر في فآله
في حضرته يدري ان النور هو نوره= وفي غيبته يدري اني حالتي حاله
ازور داره واشوف دياره ودُوره=واحفظ لغـة بـآبه.. وحرفه.. وتمثـآله
واقراء بعـد ورد.. كلمـآته.. وبلـّـوره=واعيش لحظة زمن في عين مدهآله
واشـوف في كل غرفه.. صوره.. وصوره=واشـوف سلسآل صـدره بعد خلخآله
واقـلام.. واوراق.. فوق الرّف منثوره=ومشيـت خطـوه.. وجيت مجاور الصـآله
من بعدها القلب مات وباح مستوره=تعبت من غيبته مع شوف منزاله
وماخنت لو خان بعض اوقاته شعوره=يكفي على القلب ماشافه وما جآ له
اشرب فناجيل صـدّه من بعد جوره=والله على جور حبـّـه مرّ فنجـآله
والصـدق.. والحب.. والاشواق.. مذعوه=مادام من قـآل كلمه رجـّـع اقواله
وان كآن ماشفت قبل قلوب مكسوره=يمرّ وقتك وتلقى قلوب مُـحـتـآله
رحيق مختوم.. والاشواق مقـدوره= والقلب يصبر على حـلّـه وترحــآله

[فواز المطيري]

قـافـله مُـهـاجره :
على رصيف الحرف وطريق الكلِمه اجِـد هروبَ كُـلٍ منهمآ على حِـده.. في صيف الصـدق وشتآء الالم والـ ...
وعلى قيثآرة الافراح يستمـّـرُ عُـزوف الكلِـمآت والحروف دونمآ ادنى احآسيس تمتلكهآ اروقة الاوراق..
وقلوب الصفحآت الضحله بالاسطر الفآرغه .. الفآرعه..


شعورُهآ عآبره :
وقفت وليتهـآ لم تقف.. لأنهآ لم تـُـقآبل بحفآوه.. انمـّـآ..!! بضراوه
وعندهآ تقـلـّب الليلُ والنهآر في عين عآشقٍ حآن لهُ ان يثمـُـل الالم..‘‘

حآن الان موعد فوات الاوان :
ان استطآع القلب النسيآن.. اذكري في احـد الايآم نغمــة ُ ُ تحتسي الالحآن صـدقاً
وتتكلمُ كُـل يوم.. وتتنفسُ كـُل يوم..
وتشـربُ كُل يوم.. وتأكُلُ كُل يوم..
نبضُ الغيآب في سراديب العشق..
وعلى العمـوم.. اذا استطـآع الليل ان يُـسدل السِــتآر في وضح النهآر.. عندهآ..
تأكدي انكِ في غيآبة الجـُب.. !!


لِـسآنُ حآل.. وشفتآ حرفٍ.. تمتـّصُ الكلِمآت :
ظلامُ ليلٍ وفي صحراء قآحله وعلى جلمود صخر وحآفي القدمين .. كُلُ ذلك من اجـل ( عشق )
يرشفهُ القلبُ عندمآ تحتسيه الحواس الخمس في بؤبؤة العين
.. بهـدوء الغيآب.. وحضور الصخب القآبع بين اضلعي..‘‘

بُـرهه زمنيـه ( طويـله ) :
تنآقض المفرده يأتي بمآ كآن خلف المطرقه والسندان..
وحتى اشعآرٍ اخر.. تـُحـفظ المشآعر .. !!

مِسـكُ ُ وخِـتآم:
لو استطآع الصدق الحديث..
لــ تحـدّث بصـدق.. //

[فواز المطيري]

بين المحآني والمتون .. نون ومالا تعلمون

يارب عبدك بين زلـّـه وهفــوه=يخطي ويرفع لك اكفّ الضراعه
ماهو رسولٍ تحتذي النآس حذوه=يخشى عذابك.. ويتوقّى بطاعه
ضعيف ماهو قدّ ذنبه وكفووه=يرجوك ترحم.. ضيقته.. واندفاعه
ماهو بلا اسوه ولاهو بقدوه=يخشى مع اللذات يلقى ضيـاعه
مؤمن ولك.. صبره.. وشكره.. وعفوه=همـّـه رضاك.. ومغتني بالقنـاعه
اقنع وامرّ البير وامـدّ دلوه=واخذ من كفوف الزمن بإستطاعه
مفرد.. مذكر.. تعشقه نون نسوه=تغتال قلبه.. واتلحـّف ذراعه
تأتيه عنوه.. واتحـاشاه عنوه=ابعد من حدود الالم والفظـاعه
تدري بأن القلب للعشق فجوه=واني احب الباديه والجمـاعه
عين بدوي ماشافت عيون بدوه=مانامت السآعه.. ولا تنآم سآعه
الفكر له غفوه.. وللعين غفوه=والضيق يفرد فالحنايا شراعه
( وللهرج حزاتٍ وللصمت حروه )= والقلب ماله عن ربوعه مناعه
بدوه.. وربعه.. عزوته.. عزّ عزوه=الاكرمين اهل الكرم والشجاعه
مطوّعين الطيب من طيب هقوه=ماجاءت صدفة حظّ ولاّ رمـاعه
سريت عنهم فوق مليار خطوه=واصبحت ماعندي ربوع وجماعه
والبعد له حضره.. وقوه.. وسطوه=اخذ من يدينه حضوره وداعه

[فواز المطيري]

اجرح على كيفك ولكن..
اذكر جروح الاماكن..

تعـبك راحـه ..!!

[فواز المطيري]

عـُــزله..!!

صهيل الخيل.. جوف الليل.. مثل الضيف.. والترحيب=سوالف لييييل.. والشرهه على البرواز والصوره
مدائن عز.. منها يفزّ .. جيب ولاهو ايـّت.. جيب=تغازل لمعة عيونه.. معازيبه.. وديكوره
يفوق الفكس.. والجي اكس.. واللكزس بفزّة طيب=مثل رجـّـال من طيبه.. ينومس فعله .. وشوره
ثلاث شهور يمشي درب مايمشي دروب العيب=قلط في ديرةٍ ماهي من العربان مهجوره
ديار اللي يحبّ انه عن عيوني ..يحب يغيب=وانا ماني بمتحمل عواقب حبـّه.. وجوره
تركته ( من مشى يمشي على رمشي بلا تثريب=ولا ضيقّت له خاطر.. ولا ضيّعت دستوره
نفثت الحرف.. والكلمه.. نفثت الكذب.. والتكذيب=قريت البسمله.. وامسيت.. والاشواق محظوره
هنا.. مدري هنا.. مدري.. بدون شعور او ترتيب=نسيته بين شطرين القصيد.. ابيات مكسوره
على الله والهقاوي بين تصيب ولاّ تخيب=وانا ماخنت لو خـانه بعض اوقاته شعوره
على الله والدروب اللي تودّي اشهد انها تجيب=على الله يالغيـاب اللي يجيبه فكر دكتوره
وعليك الله ياجرحٍ عطيب.. ولا يطيب.. بطيب=تموت جروح.. ماتبرى.. وتبقى جروح مذكوره

[فواز المطيري]

كان.. قارئ الفنجآن..

لا يشربُ من انيةٍ من فضه.. !!
ولا اكوابٍ كانت قواريرا.. !!

اشتآق له في غيابه كيف فحضوره=اشتاق للي حسبت اني على باله
عشته عيون الفرح وقلوب مسروره=اكبر من اللي يعيش العمر فـي فآله
في حضرته يدري ان النور هو نوره= وفي غيبته يدري اني حالتي حاله
ازور داره واشوف دياره ودُوره=واحفظ لغـة بـآبه.. وحرفه.. وتمثـآله
واقراء بعـد ورد.. كلمـآته.. وبلـّـوره=واعيش لحظة زمن في عين مدهآله
واشـوف في كل غرفه.. صوره.. وصوره=واشـوف سلسآل صـدره بعد خلخآله
واقـلام.. واوراق.. فوق الرّف منثوره=ومشيـت خطـوه.. وجيت مجاور الصـآله
من بعدها القلب مات وباح مستوره=تعبت من غيبته مع شوف منزاله
وماخنت لو خان بعض اوقاته شعوره=يكفي على القلب ماشافه وما جآ له
اشرب فناجيل صـدّه من بعد جوره=والله على جور حبـّـه مرّ فنجـآله
والصـدق.. والحب.. والاشواق.. مذعوه=مادام من قـآل كلمه رجـّـع اقواله
وان كآن ماشفت قبل قلوب مكسوره=يمرّ وقتك وتلقى قلوب مُـحـتـآله
رحيق مختوم.. والاشواق مقـدوره= والقلب يصبر على حـلّـه وترحآله

[فواز المطيري]

رســاله .. فحواها..!!

على عين الورق رمش الكتآبه=كتبت وماذكرت اللي كتبته
صويب وما عَـرِف وين الاصآبه =كسبت وماجمعت اللي كسبته
غريب دياااار ويعيش الغرابه=بعيد ابعد.. من اللي ماقـربته
توخـّـيت الحذر .. عشرين لابـه=عن اسرار الهوى لين ارتكبته
احب..؟ اي والله اني في صبآبه=نهب قلبي وانا اللي مانهبته
جلس في قلب له عزّ ومهآبه=على طيب.. ونقى.. صدق.. احتسبته
براءة حب.. من بآبي.. لـ.. بآبه=على حوض الوفآ.. جيته.. وجبته
قبل اشرب افكـّر وش شرابه=عشآن اسكر شرابه لا شــربته
قريب.. اقرب.. من عروق القرابه=وهبته قلب مالحـدٍ وهبته
افكـّر في رضآه.. وفي ثوابه=كسرت الحرف.. ولـ.. عينه نصبته
اخذته في حضوره للرحآبه=صـدقته في غيآبه ماكذبته
وغآب.. وغآب.. وغيبـّني غيآبه=حفظته حفظ حتى اني سكبته
تشـوف العين من بعده ضبآبه=واشوف الوقت ماكني عجبته
وعين الذيب ماتخشى الذيآبه=حسب لي حسآب لكن ماحسبته
ولا افكر بعـد وش هو حسآبه=افكـّر فالسؤال اللي اصبتـه
سؤال ومآت.. في صمت الاجآبه=سؤال اموت.. لكن ما اجبته
اذا خآن الورق رمش الكتآبه=ابسأل كييييف تقرى اللي كتبته..؟