عـــــــــــــروبه

[ياسر سعود]

الحكي مجنون لاطال السكات=والسكات بدفتر الماضي بليد
والامل في مسألة اثبات ذات=بحرشك وغارق بحيرة اكيد
العروبه في متاهات السبات=والجدال اكبر من جبال الجليد
كل ماهبت تفرقنا شتات=ووقت سكرات الهوى مانستفيد
كلنا واحد نجي تحت الرفات=وان بغينا نرفعه كلٍ وحيد
عايشين ومجدنا بالذكريات=يوم ضيعنا لنا مجدٍ تليد
من فلسطين العزيزه للفرات=جرحنا ينزف وقطراته شهيد
الغدر والموت صار مسلسلات=كل يوم ويبتدي فصلٍ جديد
نستلذ النوم في حلو المبات=يوم صار الحلم للعالم نشيد
نتبع التيار في كل الجهات=كن مافينا بقى واحد رشيد
مسابقات ومهرجان وأغنيات=عيد حب وعيدام وهم عيد
شجب ولارفض ولا مظاهرات=والنهايه لانعيد ولانزيد
المطالب ماتجي بالامنيات=الاماني ماتقرب للبعيد
والهروب اجبن من اصراخ البنات=والسلامه فال لاطال الوعيد
يوم ضّيعنا ندى حي الصلاة=ضاعت الآمال والراي السديد
وان بغينا النصر والنصر آت آت=وحدة الايمان هي بيت القصيد
الحكي مجنون لاطال السكات=والسكات بدفتر الحاضر بليد

العروبه فـي متاهـات السبـات
................والجدال اكبر من جبـال الجليـد
كـل ماهبـت تفرقنـا شـتـات
..................ووقت سكرات الهوى مانستفيـد
كلنا واحد نجـي تحـت الرفـات
...................وان بغينـا نرفعـه كـلٍ وحيـد


ياسر سعود

صح احساسك ولسانك

فعلا كلمات كلها صدق

لواقع مرير نعيشه

دمت بكل الخير

ولى شرف اول رد


نغم

[نواف السعدوني]

ياسر سعووود


مبدع يالقرم مبدع


الله عليك

صح السانك واعتلى شانك ولاهنت


تحيتي لك

[حمد فرحان]

ياسر سعود
.
.
.
هنا ترجم القصيد كل معاني الأحساس

وملامسة الواقع الصعب الذي نعيشه

لاهنت على هذه الرائعه

لك كل الود

[عبدالله العويمر]

لقد أسمعت لو ناديت حيا ً






ياسر


للعروبة ماضيها فقط


وأما حاضرها

فهو


تابوت ُ ُ تنام ُ في وسطه بانتظار أن تموت



























سلم قلبك






دمت بود

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[محمد الفرحان]

.

.

شاعرنا

ياسر سعود

.

.

صح لسانك مدد بلاعدد

وسلمت وسلم نبضك واحساسك

على ماأتحفتنا به من رائع الحروف

وبديع القوافي . .

.

.

سجل متابعتي الدائمه . . .

.

.

تقبل فائق تقديري واحترامي

[فهد الدباسي]

لم تبقى الغيرةُ على الدين و المسلمين


فـ كيف سـ تبقى الغيرةُ على العروبة



ياسر

حضورٌ رائع إشتقتُ له كثيراً



صح لسانك و لاهنت

تقبل تحياتي

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[حماد القريني]

صح لسانك وجاد نظمك

لاهنت ولاهان راسك

تحياااتي