حب لا يموت ..

[إبراهيم الشتوي]

لكم وللطهر الذي يسكنم

رحلت و..لا رحل ..صمت ٍ.. يضج أبداخلي بدموع=رحلت ..وما بقى نبض ٍ عليك اليوم عزاني
رحلت. وين أنا ما ارحل أشوفك بالنظر مزروع=وفاء حبك.. غلا طيفك ..وهمس ٍ ناعم ٍ ..داني
رحلت ..بكل ها الدنيا رحيل ٍ ..ما سكنه ارجوع=قريتك في وجيه الناس ..دفاتر..فيك تقراني
رحلت ..ودنيتي بعدك هجير ..مع هلع.. مع جوع=أنين / وآه / باسبابك /أسى قاسي تغطاني
ذبل جسم الفرح واجتاح سنبل بسمتي مصروع=وفي آخر حدود الليل ..كلانا يشبه الثاني
يناديني غلا طيفك ..وأنادي له وفاء مجموع=يعزيني.. يواسيني .. ويلملم هم ٍ أعياني
على موعد لقانا بك.. أخذني لك وله واشموع=رسايل حب ..وانامل شوق.. وليل فيك خاواني
مشيت.. ولا مشيت..الا سبقني خافق ٍ منزوع=وقفت ..ولا وقفت ..الا ثراك .. بجرح ينعاني
وطاح القلب.. في قبرك.. يقبل ذكرك المرفوع=وبل الطين ..وهل الملح ..و تغلغل داخل أشجاني
دعيت ..ولا دعاني لك ..سوى إحساسي المفجوع=وحب ما يموت.. الا وربي.. حي واحياني
ونبت جذر الوصال.. وصال.. سنين بغربتي مقطوع=غرق جذع الكلام ومال.. ببوح ٍ منكسر حاني
على رغم الغياب اللي خذاني.. بخاطري مسموع=نسجت الصبر وشع النور.. تبدد ظلمة أحزاني
وغدا لك في وريد الذات ..مكان واضح مطبوع=وغدا لك في جدار الروح.. صور بيضاء لها الواني
تهرجني.. وهرجها وترد أبشر أجيلك طوع=تسامرني ..تغني لي قصايد لي من الحاني
ماني قايل ذي الفرقا ..ولكن بالهوى متبوع=أبرجع لك وأسولف لك عن القاصي مع الداني
تفاصيل ٍ لها قيمة تجدد حبي المشروع=ترتب لحظة اللهفة ..تصب الشوق بأغصاني
رحمك الله.. يا شمس سناها مشرق ٍ بطلوع=رحمك الله ياطهرٍ طهور ٍ بل وجداني
وسقاك الله.. ياقبرٍ سكن وسط الظلوع خضوع=وسقاني الله .. يا صبر ٍ / بصبر ٍ ثبت اركاني
فمان لله ..يا أعلى سماء في خافقي مرفوع=فمان الله يا أغلى وطن حب ٍ بوجداني

[نواف السعدوني]

ابراهيم الشتوي


مبدع


دائما

تسحر الجميع بكلماااتك

ورووووحك واحساسك

لله درك


صح السانك وادري انها مو وافيه في حقك لاكن العذر والسموحه


تحيتي لك

[عبدالله العويمر]

رحلت ..ودنيتي بعدك هجير ..مع هلع.. مع جـوع
أنيـن / وآه / باسبابـك /أسـى قاسـي تغطانـي
ذبل جسم الفرح واجتاح سنبل بسمتـي مصـروع
وفي آخـر حـدود الليـل ..كلانـا يشبـه الثانـي



الغالي


ابراهيم


نص يحمل الكثير





سلم قلبك وحرفك






دمت بخير يالغالي

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[مزون المحمد]

ابراهيم الشتوي


حضور مـتألق لحرفك الراقي


لله درك أيها المبدع


دمت بألف خير

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[قديم الشوق]

أخي الغالي / ابراهيم الشتوي ..

صح لسانك ودام نبضك وابداعك

قصيدة أكثر من رائعة من شاعر جزل وقدير

شكرا ً لك من الأعماق

وتقبل خالص تحياتي

أخوك / قديم الشوق

[محمد الفرحان]

.

.

شاعرنا

ابراهيم الشتوي

.

.

صح لسانك وجاد بيانك

.

.

قصيده رائعه بروعة مبدعها . .

.

.

دمت بهذا التميز وهذه الشاعريه

ولاعدمنا تواجدك . . .

.

.

تقبل فائق التقدير والاحترام

[حماد القريني]

صح لسانك وجاد نظمك

لاهنت ولاهان راسك

تحياااتي

[إنكسارات النخيل]

رحلت ..بكل ها الدنيا رحيل ٍ ..ما سكنـه ارجـوع
قريتك في وجيـه النـاس ..دفاتر..فيـك تقرانـي
رحلت ..ودنيتي بعدك هجير ..مع هلع.. مع جـوع
أنيـن / وآه / باسبابـك /أسـى قاسـي تغطانـي

ابراهيم الشتوي

معزوفه راقيه بألحان
انفردت بالجمال وازدانت
بالشفافيه والابداع فلله
در بوحك الراقي الرائع