الشعر وشعوري !!

[محمد بن دحيلان]

السلام عليكم


متواضعه للتواصل


عسى ربي يكتب لها قبول

صباح الخير ياقدح الجزاله والخيال اجنود= صباح الطيب ياشعرٍ يعج بريحة الجوري
حروفه كنها تفتح بصدري بابه المردود = وانا اللي قافلٍ صدري وحرف الشعر وشعوري
احب الشعر لامنه تعلى عن ثرى المنقود=واجاري نظم قيفانه وامشيها على شوري
بنات الفكر بندق والمعاني حرفها بارود = قدح بين الضلوع العوج حتا غبت عن طوري
وذكرت اللي مضى يوم اليالي للوصال شهود = يجيني ضايق ويسري من الضيقات مسروري
لك الله يازمانن لا عطا يعطي بدون احدود = يروح اليل تطربنا نوال وايل كفوري
ملكته حب والغالي ملكني مثل ملك العود = حكم عز ومهابه ماحكمني حكم جمهوري
عطيته واحتميته من همومه والليال السود = وصنته من كلام الشك والحقران وغروري
دوايه والزمن عيا فداه العمر ويا الذود = حرام انه من الضيقات واللوعات دكتوري
حداني عاذلي والزين ماستوعب وش المقصود = بدى التشكيك يلعب به وحكي الكذب والزوري
يجي له يوم وّيعود من صروف الزمن مضهود = معه حبي ودمْ البعد والهجران مهدوري
لانه دايم ابفكري وقلبي حاضرٍ موجود = نجوم الليل تقبل به قصيدن يسكن اسطوري
اغني به طررب واليا طرالي حظي المقرود = منعت الدمع والخاطر شمخ لو كان مكسوري
نجوم الليل تسري بس صدري بابه المردود!! = دهاه اللي فتح بابه وتل الشعر وشعوري

وسلامتكم

.

[الجـــــوهره]

وعليكم السلام و رحمة الله و بركاته

أخوي محمد

صح لسانك مليووووووووون ولا يكفون ولا هنت على هالرائعه


احب الشعر لامنه تعلى عن ثرى المنقود
واجاري نظم قيفانه وامشيها على شوري


لك تقديري و إحترامي

[فهد الدباسي]

صباحك ورد يا محمد


صباحٌ جميلٌ هذا الذي نراك فيه


نصٌ رائع

يحمل الجزالة و الروعة في التصوير



صح لسانك و لاهنت

تقبل تحياتي

[محمد الفرحان]

صباح الطيب ياشعرٍ يعج بريحة الجوري

.

.

حضور على عجل وسأعود الى هذه الرائعة

ان شاء الله . .

[عبيدالله العرابي]

الشاعر الراائع / بن دحيلان
قرأت هنا فكر وشعر وسحر
وهذا ليس بغريب على شاعر بهذه القامه والفخامه
أجد في نصوصك كل ما ابحث عنه
دمت يارااائع

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[نواف السعدوني]

بن دحيلااان

ونعم والله



ياصباااااااااح الجوووري




الله عليك والله على بوووحك
ونسيم عبارااااتك





صح السانك ولاهنت اخوووي

تحيتي لك

السعدوني

[مـــــلاذ]

محمد بن دحيلان


انت مدرسة في الشعر و الأدب


صح لسانك

[عبد العزيز بن محمد]

محمد بن دحيلان



سلمت ..
وسلم كلك .. يا العذب

والف الله صح لسانك ..
على هذا الضوء ..
والنص الراقي ..


وتقبل ارق التحايا .. وحلو الأماني

[يزيد النمي]

بنات الفكر بندق والمعاني حرفها بارود
قدح بين الضلوع العوج حتا غبت عن طوري

الله الله
صح لسانك يامحمد بن دحيلان واعتلا شانك
بيض الله وجهك على هالقصيدة الطيبة